Денес е нешто послаба понудата за фудбалски натпревари, а секако најинтересниот дуел се игра во Серија А, каде Јувентус и гостува на Верона.
Јувентус после победата во големото дерби против Интер се врати во игра за врвот, а после киксовите на Милан и Рома ќе може додатно да се доближи до второто место на табелата. Поради тоа нема право на кикс бидејќи гостува кај најслабиот тим во лигата.
Верона тешко ќе избори опастанок
Минатата сезона беше одлична за Верона, а оваа сезона тие се најголемо разочарување во Серија А. Се стекнува впечаток дека се започна со заминувањето на Игор Тудор од клупата, бидејќи тренерот го извлекуваше максимумот од играчите. После неуспешниот старт следуваше отказ на тренерот Чофи, на клупата дојде Бокети, но резултатите не се променија. Поразувачки делува податокот дека тимот од градот на љубовта на 13 меча сезонава има само една победа и две ремија, а се во серија од седум порази во низа. Интересно е што Верона е еден од ретките тимови кои имаат позитиве скор со Јувентус во последно време. Имено, на последните пет меча Верона има две победи, две ремија и само еден пораз од Јувентус. Што се однесува до кадровските решенија, Бокети за овој дуел нема да може да смета на Хрустиќ, а под знак прашалник се Илиќ и Пиколи.
Јувентус се враќа на вистинскиот пат
Со оглед на големите засилувања кои пристигнаа во Торино ова лето, се очекуваше Јувентус да биде еден од главните фаворити за Скудетото. Меѓутоа „бјанконерите“ сезоната ја отворија на многу лош начин, па почна дури да се шпекулира со отказ на тренерот. Катастрфалниот старт на сезоната се одрази и на слаби партии во Лигата на шампиони, каде Јувентус беше елиминиран уште во групната фаза. Се создава впечаток дека најголем виновник за тоа се многуте повреди, особено на најважните играчи како Погба и Киеза, а Алегри на многу меча не можеше да смета дури на осум фудбалери. Меѓутоа, во последно време работите почнаа да се одвиваат добро, Јувентус дојде до серија на добри резултати, а победата над Интер минатото коло сигурно ќе биде додатен ветер во грбот. Јувентус заостанува многу од лидерот Наполи, но со победа на овој меч може да дојде на само два бода до второто место на табелата. „Бјанконерите“ во добро расположение и со голема самодоверба одат на ова гостување и немаат право на кикс, иако во последно време Верона е незгоден противник за нив. Алегри за овој меч нема да може да смета Погба, Влаховиќ, Де Шиљо и Паредес.
Очекување
Гостите се големи фаворити на овој меч, иако традицијата во последно време не е на нивна страна. Верона е најслабиот тим во лигата и тешко дека ќе стигне до бодови на овој меч.
Be the first to comment