Денес на програмата е последното коло од групната фаза од Лигата на шампиони, а еден од најинтересните натпревари е секако тој помеѓу Ајнтрахт Франкфурт и Спортинг Лисабон, кој ќе даде одговор кој од двата тима ќе оди во следната фаза.
Двата тима во овој дуел влегуваат со ист број бодови, но Спортинг е на второто место на табелата поради подобра гол разлика. Поради тоа на овој меч че му биде доволно и реми за пласман во следната фаза, додека Ајнтрахт едноставно ќе мора да победи доколку сака пласман во нокаут фазата.
На Спортинг му е доволно и реми
Спортинбг Лисабон не игра баш најдобро во домашното првенство каде моментално се наоѓа на 5-то место на табелата, а пред почетокот на сезоната сигурно беше еден од главните фаворити за титулата. Минатото коло избраниците на Рубен Аморим одиграа уште еден слаб натпревар и загубија на гостувањето кај Арука со 1:0. Меѓутоа, работите во Лигата на шампоиони за сега одат по план, па ова за нив ќе биде натпревар кој може да го одлучи понатамошниот тек од сезоната. Лисабонскиот клуб е во ситуација коло пред крајот сам да одлучува за својата судбина. За сигурен пласман во следната фаза потребна му е победа против Ајнтрахт, но може да му биде доволно и реми доколку Марсеј не победи против Тотенхем на „Велодром“. Моментално лисабонските „лавови“ се наоѓаат на второто место на табелата со ист број бодови како Ајнтрахт, но подобра гол-разлика. Притоа Спортинг најверојатно ќе има и подобар меѓусебен скор бидејќи во Франкфурт победи со 0:3. Минатото коло избраниците на Аморим одиграа одличен натпревар и останаа непоразени на гостувањето кај Тотенхем (1:1), иако ВАР ги спаси во последната минута. Тренерот на Спортинг за овој дуел нема да може да смета на Паулињо, Нето и Моритa, додека Ламба е под знак прашалник.
Ајнтрахт со победа сигурно е во нокаут фазата
Познато е дека Ајнтрахт минатата сезона после цели 42 години стигна до европски трофеј откако ја освои Лига Европа, што му донесе и пласман во Лигата на шампиони, иако во Бундеслигата заврши на средина од табелата. Оваа сезона во домашното првенство играат според очекувањата и се наоѓаат на 5-то место со само два бода помалку од четвртопласираниот Дортмунд. Избраниците на Гласнер се во релативно добра форма и на последните пет меча забележаа три победи два порази. Во Лигата на шампиони на почетокот малку кој очекуваше дека Ајнтрахт ќе дојде до оваа ситуација, особено после високиот пораз од Спортинг во првото коло. Меѓутоа, после пет одиграни кола тимот на Гласнер се наоѓа во ситуација сам да одлучува за себе и со победа во Лисабон сигурно ќе се пласира во нокаут фазата. Тоа сигурно нема да биде лесна задача бидејќи португалските клубови играат одлично на домашен терен. Што се однесува до кадровските решенија тренерот за овој меч нема да може да смета на Хасебе, Бута и Ленц, додека Кнауф е под знак прашалник.
Очекување
Домаќиниот е фаворит бидејќи игра на домашен терен, но мора да се земе предвид дека може да калкулира и да му биде доволно и реми. Од друга страна Ајнтрахт ќе стави се на една карта и едноставно мора да бара победа, а тоа ќе отвори можност за контранапади и многу голови. Очекуваме возбудлив дуел со многу голови на двете страни.
Be the first to comment