Во понеделник понудата за обложување е секогаш слаба, а еден од најинтересните дуели се игра во Серија А, каде силите ќе ги одмерат Верона и Рома во дуел од 12-то коло.
Овој дуел е исклучително важен за двата тима. Домаќините играат катастрофално и се надеваат дека ќе можат да излезат од лошиот период. Од друга страна Рома со победа ќе го претекне градскиот ривал и ќе влезе во Топ 4.
Има ли крај на црната серија на Верона?
Верона минатата сезона играше одличен фудбал, но после заминувањето на тренерот Игор Тудор очигледно дека тој бил најзаслужен за добрите резултати. Него на клупата го наследи Габриеле Чофи кој по серијата на лоши резултати доби отказ и на клупата дојде Бокети. Сигурно дека никој не очекуваше вакви резултати со оглед на квалитетот кој го има овој тим, но моменталната ситуација е таква, па Верона се наоѓа на претпоследното мето со само пет освоени бода. Тимот се наоѓа во серија од шест последователно порази, а сега на гости им доаѓа Рома, па тешко дека ќе можат да ја прекинат таа серија. Меѓутоа, минатото коло на гостувањето кај Сасуоло тимот покажа подобра игра и можеше да дојде до бодови, но Фратези со гол во 74-та минута ги сруши надежите. Она што секако не е добро пред дуелот со фаворизираната Рома е што тренерот Бокети не може да смета на неколку важни фудбалери, а тука пред се мислиме на Иван Илиќ, кој оваа сезона е една од ретките светли точки во тимот. Покрај него Бокети нема да може да смета и на Копола и Хрустиќ, а под знак прашалник се Лазовиќ, Диоги и Пиколи. Единствено добро е што Верона во последно време игра одлично против Рома и на последните четири меѓусебни меча има две победи.
На „волчицата“ не и лежи Верона во последно време
Рома минатата сезона ја заврши со трофеј во Лигата на конференции, што на овој тим му донесе самодоверба, па целта оваа сезона е пласман во Лигата на шампиони. Тимот значително се засили во летниот преоден рок, но за жал Мурињо нема да може да смета на сите нови фудбалери за овој дуел. Рома моментално се наоѓа на шестата позиција на табелата, но со победа во овој меч може да го претекне градскиот ривал и да се врати во Топ 4. Минатото коло „волчицата“ беше поразена од Наполи на домашен терен, па сега Мурињо сака што побрзо да им се врати на победите. Што се однесува до Лига Европа и тука работите одат добро, па за пласман во следната фаза на Рома и е потребно само победа против Лудогорец во последното коло на домашен терен, што не би требало да биде проблем. Традицијата може да биде проблем за „волчицата“ во овој дуел бидејќи во последно време има слаби резултати против Верона и на последните четири меча има само една победа. Што се однесува до кадровските решенија Мурињо има проблем со повредени фудбалери и за овој меч нема да може да смета на Вајналдум, Дибала и Матиќ.
Очекување
Очекуваме тврд и неизвесен меч бидејќи бодовите се многу важни за двата тима. Ако ја следиме традицијата Рома тешко дека ќе дојде до победа на ова гостување. Верона ја има предноста од домашен терен и веруваме дека двете екипи ќе постигнат најмалку по еден гол.
Be the first to comment