Вечерва на програмата се натпреварите од 5-то коло во Лига Европа, а ние ќе го анализираме дуелот помеѓу српскиот и турскиот шампион. Црвена Звезда на својот стадион го пречекува Трабзонспор.
Црвена Звезда е на последното место во Групата Х со три освоени бода, додека Трабзон е на второто место со три бода повеќе. Поради тоа овој дуел е клучен за крајниот исход во групата.
Последна шанса за Црвена Звезда за европска пролет
Црвена Звезда во домашното првенство игра добро и има седум бода предност во однос на Партизан, што најверојатно ќе биде доволно за петта последователна титула. Меѓутоа, главната цел на „црвено-белите“ е да изборат европска пролет, па поради тоа овој дуел ќе биде клучен за нив. Српскиот шампион лошо ја отвори групната фаза со два порази, а потоа следуваше победа над Ференцварош со 4:1, но на гостувањето во Унгарија претрпе несреќен пораз. Поради тоа „сметката“ е јасна, српскиот шампион мора да слави вечерва против Трабзон на домашен терен за да ги задржи шансите за пласман во нокаут фазата. Тоа не е нереално, ако се земе во предвид играта на Црвена Звезда на првиот меч во Турција, каде загуби со 2:1, но одигра одлично. Тренерот Милојевиќ за овој меч нема да може да смета на Саного, што може да биде хендикеп. Исто така Канга не е доволно опоравен од повредата, па на неговата позиција се очекува да започне Срниќ.
Трабзон држи се во свои раце
Трабзон минатата сезона после 38 години стигна до шампионската титула во Турција, но беа запрени на патот за групната фаза од Лигата на шампиони. Амбициите на овој тим се секако нокаут фазата од Лига Европа, со оглед на квалитетот кој го поседува. Трабзон оваа сезона игра променливо, односно игра одлично на домашен терен, а многу лошо на гостувањата. Моментално се на второто место на табелата со три бода повеќе од Црвена Звезда, па се држат во свои раце. На Трабзон му одговара и реми во Белград, но овој тим игра отворен фудбал, за гол повеќе од противникот, па не знае да калкулира. Што се однесува до кадровските проблеми, тренерот на Трабзон нема да може да смета на пет фудбалери, Висча, Токоз, Асан, Гедики и Џанини, што секако ќе биде хендикеп за гостите.
Очекување
Црвена Звезда одигра одлично на првиот меч во Туриција и неправедно загуби, па очекуваме дека ќе се реваншира во Белград. Притоа, Трабзон игра многу лошо на гостински терен и тешко дека ќе успее да избегне пораз на овој меч.
Be the first to comment