Најголемото дерби од почетокот на сезоната во англиската Премиер лига е на програмата во понеделник вечер. Манчестер Јунајтед го пречекува лутиот ривал Ливерпул на Олд Трафорд.
Манчестер моментално е на дното на табелата во Премиер лигата, откако ги загуби првите два меча од Брајтон и Брентфорд, додека вицешампионот од минатата сезона Ливерпул е 12-ти, откако ремизираше на првите два натпревари против Фулам и Кристал Палас.
Тен Хаг тргна катастрофално
Ерик тен Хаг немаше илузии за големината на задачата со која се соочува на Олд Трафорд, но реалноста на ситуацијата стана уште поочигледна за 52-годишниот менаџер по првите два сезонски меча.
Манчестер Јунајтед ја отвори сезоната со пораз од 1:2 на домашен терен од Брајтон на 7-ми Август, пред да претрпе шокантен пораз од 4:0 во Брентфорд минатиот викенд, при што сите голови на домашната екипа беа постигнати во првата половина од натпреварот.
Двата порази, заедно со катастрофалната гол-разлика, ги оставија „црвените ѓаволи“ на дното на табелата, а уште еден пораз во понеделник навечер би довел до уште поголем притисок врз Тен Хаг, кој има задача да помогне во обновата на еден од најголемите тимови на планетата.
Летниот трансфер период на тимот досега беше скромен, доведувајќи ги Тајрел Маласија, Кристијан Ериксен и Лисандро Мартинез, но договорот со Касемиро беше вистинска бомба и се верува дека клубот работи на уште две или три засилувања пред крајот на преодниот рок. Мора да напоменеме дека Касемиро нема да настапи на овој меч поради проблеми со работната дозвола.
Ливерпул ја брка првата сезонска победа
Ливерпул двапати мораше да брка негатива против Фулам на воведниот натпревар од сезоната за да освои бод во ремито 2:2, додека истото се случуваше и минатиот понеделник против Кристал Палас, кога со голот на Вилфрид Заха Палс поведе, пред Луис Дијаз да го израмни резултатот.
Дарвин Нуњез доби црвен картон на натпреварот со тимот на Патрик Виеира, со што нема да патува на Олд Трафорд. Освен тоа, Клоп се соочува со низ апроблеми поради повредени фудбалери па овој меч ќе го пропуштат Диего Жота, Конате, Матип, Чемберлен, Алкантара и уште неколку не стандардни фудбалери.
Тимот на Клоп по овој меч има два домашни натпревари против Бурнмаут и Њукасл пред патувањето на Гудисон Парк за да се соочи со Евертон во Мерсисајд дербито. Од таа гледна точка, оваа серија на мечеви доколку биде победничка, ќе ја врати екипата на посакуваната позиција.
Ливерпул минатата сезона го следеше Манчестер Сити до крајот на Премиер лигата, пропуштајќи ја титулата за само еден бод, додека освоија двојна титула од ФА Купот и ЕФЛ Купот, победувајќи го Челзи во двете финалиња.
Дури и пораз во понеделник не би направил паника за Ливерпул, но Сити изгуби бодови само во девет од нивните 38 натпревари во Премиер лигата минатата сезона, а два бода од првите три натпревари би биле лош старт во трката за титулата на Клоп.
Предвидување
Проблемите со повредени во Ливерпул, можеби се единствената шанса за Манчестер Јунајтед. Сепак, тешко дека и тоа ќе биде доволно за домашна победа. Ливерпул е фаворит според букмејкерите и тоа е сосема очекувано. Но фаворитската улога е најголема ако се земат предвид предходните дуели меѓу овие две екипи изминатите сезони. Очекувам победа на Ливерпул, а може да се одигра и на голови – 3+.
Be the first to comment