Португалската екипа Санта Клара која во предходното коло го елиминираше македонскиот евро претставник Шкупи, на реваншот во Словенија против Олимпија Љубљана ќе патува само со 14 фудбалери.
Имено, португалскиот тим ќе пристигне во главниот град на Словенија без девет фудбалери и еден член од стручниот штаб, кои се позитивни на коронавирус.
Санта Клара ќе има на располагање само 14 играчи, што значи дека нема да можат да ги искористат ниту максималните пет замени.
Санта Клара извести дека заразените биле веднаш изолирани, како и дека биле преземени други неопходни мерки за заштита пред патувањето за Словенија.
На првиот меч Санта Клара славеше со 2:0 на домашен терен, но овој пат со преполовен состав ќе имаат тешка задача во Љубљана. Санта Клара на првиот меч беше надмоќна и секако е фаворит за пласман во следната фаза, но овие проблеми на португалската екипа му даваат ветер во грб на словенскиот претставник и се голема надеж за нив за позитивен резултат.
Да потсетиме, победникот од овој дуел ќе игра против подобриот од дуелот меѓу Сочи и Партизан.
Be the first to comment