Џенова и Беневенто во среда на стадионот „Луиџи Ферарис“ мораат да одат на победа, за да имаат помирен крај на сезоната, особено откако ги загубија последните две средби во Серија А.
И покрај тоа што го започнува натпреварот на четири места помалку од нивниот домаќин, Беневенто ќе се придвижи дури до 13-то место и ќе ја помине Џенова која е 14-та доколку слави победа.
Џенова блиску до средината но и до местата кои водат во Серија Б
Џенова е во ситуација во која опасноста може да ги одржува будни до крајот, без разлика што се на 14-то место. Тие се блиску до средината на табелата ( Сампдорија е на 10-то место со седум бода повеќе од Џенова ). Но од друга страна се блиску и до зоната за испаѓање и имаат само седум бода повеќе од Каљари кој е на последното место кое води во Серија Б.
Тимот на Давиде Балардини сакаше помирен крај на сезоната, но и вака не е лошо за нив ако се знае како се спасуваа минатата сезона во последното коло. Но последните два порази веројатно беа и очекувани за нив. Поразите дојдоа од Јувентус на гости со 3:1 и од Милан исто така на гости со 2:1. Играта беше добра, па ако одиграат на исто ниво и со Беневенто би требало да дојдат до трите бода.
Загрижувачко за нив е тоа што на последните 10 натпревари имаат само една победа и тоа против Парма на гости. Имаат четири порази и пет ремија во оваа серија.
Беневенто во слаба форма, но во добра позиција
Како и нивните домаќини, така и Беневенто е во лоша ситуација и слаба форма. Имаат само една победа на последните 15 средби и тоа над Јувентус на гости со 0:1. Имаат осум порази и шест ремија во таа серија.
Како и да е, тимот на Филипо Инзаги успеа да остане над трите најслаби во Серија А, ставајќи се во позиција каде успехот на овој меч може драматично да ги подобри нивните шанси да останат во лигата. Имаат пет бода повеќе од Каљари што е комотна предност во оваа фаза од сезоната.
Добро е тоа што допрва следуваат натпревари на домашен терен против два од трите најслаби во лигата, па Инзаги нема да паничи ако во среда забележи трет последователен пораз.
Be the first to comment