Борусија Дортмунд во среда е домаќин на Унион Берлин во Бундеслигата, а домаќините бараат победа со цел да ги одржат живи надежите за пласман во Лигата на шампионите наредната сезона.
Унион Берлин пак, има за цел да се пласира во Лигата на Европа, а со победа ќе се доближи на само три бода од Дортмунд.
Дортмунд мора до три бода ако сака во ЛШ следната сезона
Дортмунд ги одржува живи надежите за завршување на едно од првите четири позиции на табелата за пласман во Лигата на шампионите следната сезона со импресивна победа од 4:1 против Вердер Бремен во неделата.
И покрај водството на Вердер уште во 14-та минути кога Милот Рашица постигна гол, Дортмунд со головите на Реина и двата на Халанд веќе по првиот дел водеше со 3:1, за впо второто полувреме во доминантна игра Хумелс да ги постави конечните 4:1.
Добредојден беше и поразот на Волфсбург од Баерн Минхен и сега Дортмунд е на пет бода од пласман на 4-то место на табелата кое го држи токму Волфсбург.
Менаџерот на домаќините Един Терзиќ се обидува да го напушти клубот со трофеј во Купот на Германија, како и со пласман во Лигата на шампионите за неговиот наследник Марко Роуз од следната сезона.
Најголемо изненадување сезонава
Унион Берлин од друга страна е најпријатно изненадување сезонава во Бундеслигата. Овој тим постојано изненадува и продолжува со настапи над очекувањата. Со победата од 2:1 против Штутгарт во саботата, нивните надежи за пласман во Европа за прв пат во историјата на клубот значително се зголемија.
Минатата сезона беше прва за клубот во најдобрата лига во Германија, па да се биде на осмото место со само уште пет натпревари до крајот за ние е величествено достигнување.
Тимот делува доста лесно на терен и очигледно е дека менаџерот Фишер врши неверојатна работа со тимот. Хомогеноста е на високо ниво, а хармонијата во тимот е неверојатна. Немојте да се изненадите доколку во последните пет кола успеат да дојдат до местата кои водат во Европа, но на овој меч без разлика на се, тие се аутсајдери. Ќе бидат задоволни и со бод, но тешко ќе дојдат и до него.
Be the first to comment