Њукасл ја продолжува битката за опстанок во Премиер лигата со домашен натпревар против Тотенхем, во недела попладне кој пак грчевито се бори за пласман на едно од првите четири места на табелата.
Њукасл е без победа на шест меча и се на само два бода над зоната за испаѓање, додека победата на Тотенхем со 0:2 кај Астон Вила пред меѓународната пауза ги пресели на шестата позиција и сега имаат само три бода помалку од четвртиот Челзи кои има натпревар повеќе.
На Њукасл му треба чудо да се спаси од испаѓање
Од 11-та позиција и само два бода од местата кои носат во Европа на 12-ти декември до очајна битка за опстанок, е приказната на Њукасл сезонава по очајните последни четири месеци.
Избраниците на Стив Брус претрпеа пораз од 3:0 од ривалите Брајтон пред две недели и сега се чини дека ќе имаат крајно тешка задача.
Фулам го зазема последното место кое носи во понизог ранг и одигра натпревар повеќе од Њукасл.
Брус знае дека едноставно треба неколку победи до крајот за да бидат сигурни, а средбата од која некогаш би биле среќни да освојат бод, сега е пред нив и тој бод можеби не е доволен.
11-те поени што ги собра тимот од 12-ти декември се најмалку од сите премиерлигашки екипи во тој период, а сепак Брус изгледа сигурно на жешкото столче.
Њукасл во последниот дел се соочуваат со Тотенхем, Вест Хем, Арсенал, Ливерпул, Лестер, Манчестер Сити, пред последниот дуел во Фулам. Ова е една страшно тешка серија на натпревари и мислам дека ќе им треба мало чудо за да се спасат сезонава.
Брус ќе биде желен да отвори разлика од четири поени со Фулам пред таа пресметка на Крејвен Котиџ, иако тоа ќе биде страшно тешко.
Тотенхем со можност да се израмни со Челзи
Формата на Тотенхем беше прилично слаба во Февруари, но тие во последните неколку недели играат добро. Сепак доживеаа шок и испаднаа од Лигата на Европа во двомечот со аутсајдерот Динамо Загреб. Имаа три победи во низа, па доживеаа пораз од Арсенал и од Динамо Загреб, пред да слават во последното коло на тешкото гостување кај Астон Вила со 0:2.
Тие исто така имаат финале во Купот со Манчестер Сити. Навистина, за Тотенхем ова не е изгубена сезона. И покрај критиките кон Мурињо, тој може до трофеј и е на само три бода поалце од Челзи кој е на 4-та позиција на табелата.
Целта за Мурињо во текот на следните седум недели е јасна – да освои Купот на ЕФЛ и да заврши четврти во Премиер лигата. За втората цел му е потребна победа на овој меч – се друго ќе биде големо разочарување, особено што Челзи загуби во саботата и сега имаат можност да се израмнат со нив на табелата.
Be the first to comment