![16059003713675 Атлетико Мадрид - Барселона](https://kladenje.mk/wp-content/uploads/2020/11/16059003713675-678x381.jpg)
Важен меч ќе одиграат Атлетико Мадрид и Барселона викендов во Ла Лига. Фактот дека Барса и Реал Мадрид очигледно имаат проблеми оваа сезона може да ги отвори вратите за Атлетико Мадрид да ја добие својата прва титула во Ла Лига од сезоната 2013-14, а победата над тимот на Роналд Куман во сабота вечер сигурно ќе помогне во тоа.
Атлетико со одлична шанса
Тимот на Симеоне беше многу импресивен оваа сезона, победи во пет и ремизираше на два од своите седум меча за да се најде на третото место на табелата, со само три бода помалку од лидерот Реал Сосиедад кој има два меча повеќе. Тука е предноста на Атлетико. Пред нив се Сосиедат и Виљареал кој според квалитетот не може да се очекува дека ќе го задржат истото темпо цела сезона.
Атлетико е во серија од четири победи по ред, вклучувајќи ја и победата во последното коло над Кадиз со 4:0 пред меѓународната пауза. Звучи неверојатно, но гигантите од главниот град на Шпанија, всушност немаат пораз во лигата, откако загубија со 1:0 на гостувањето кај Реал Мадрид уште на 1-ви февруари.
Формата на тимот во Лигата на шампионите не беше совршена – собирајќи само четири поени од три натпревари, но тие ќе ги изразат своите шанси со победа на домашен терен против Локомотив Москва следната недела.
Атлетико во моментов ќе биде целосно фокусиран на Барса и ќе се обиде да ја забележи својата прва победа во Ла Лига над каталонскиот гигант од февруари 2010 година, што е запрепастувачко со оглед на нивната позиција во Ла Лига во изминатите 10 години.
Барса со слаб старт под водсто на Куман
Во меѓувреме, Барса влезе во репрезентативната пауза по одличната победа од 5:2 над Реал Бетис, што всушност беше нивна прва победа во лигата од почетокот на октомври. ИМаа серија од четири натпревари без победа во Ла Лига, па затоа 8-то место на табелата е очекувано.
Јас мислам дека полека но сигурно заминуваат проблемите околу екипата, мислам на оние проблеми пред сезоната со и околу Меси и неговата иднина и сл. Сега сите ќе бидат насочени кон подобри резултати под водство на Куман, кој барем до сега не се докажа премногу.
Евентуалниот пораз од Атлетико викендов би им оставил девет бода помалку од тимот на Симеоне, што би било голема разлика во оваа фаза од сезоната.
Куман ќе биде решен да го одведе својот тим до победа во сабота, особено што Холанѓанецот претрпе пораз од Реал Мадрид со 1:3 во своето прво Класико како менаџер на 24-ти октомври.
Барса во овој момент е далеку од најдоброто и ќе и се спротистави на екипа која е полна со самодоверба и јас немам сомнеж дека ќе имаат крајно тешка задача.
Симеоне до далеку поголеми проблеми од Куман
Атлетико ќе биде видно ослабен на овој дуел. Суарез има позитивен тест за коронавирус, што значи дека ќе ја пропушти шансата да се соочи со својот поранешен клуб. Во нападот, дополнителен проблем ќе биде отсуството на Диего Коста. Искусниот напаѓач се очекува да биде на клупата само доколку ја докаже својата подготвеност.
Лукас Тореира е исто така надвор од тимот поради коронавирусот, додека Стефан Савиќ, Хектор Ерера, Марио Хермозо и Симе Врсаљко ќе го пропуштат овој меч поради разни проблеми со фитнесот.
Што се однесува до Барса, Серхио Бускетс има проблем со коленото што го доби за време на репрезентативниот собир на Шпанија, што значи дека Миралем Пјаниќ треба да заработи место на средниот ред заедно со Френки де Јонг.
Ансу Фати и Роналд Араухо се исто така надвор од тимот, но Филип Кутињо има одличен напредок во закрепнувањето на тетивата и може да биде вклучен во екипата. Уште еден проблем ќе биде отсуството на еден од најдобрите во одбраната Умтити.
Можна почетна постава на Атлетико Мадрид:
4-4-1-1 – Облак; Трипие, Фелипе, Гименез, Лоди; Љоренте, Кондогбија, Коке, Саул; Феликс; Кореа
Можна почетна постава на Барселона:
4-2-3-1 – Тер Штеген; Роберто, Пике, Ленглет, Алба; Пјаниќ, Де Јонг; Дембеле, Меси, Педри; Гризман
Be the first to comment