Спортското обложување зазеде голем замав во последно време на нашите простори. Скоро секој човек кој следи спорт е редовен посетител на обложувалниците.
И додека на обложувачите им се пружа прилика сами да изберат натпревар на кој сакаат да типуваат, на социјалните мрежи владее „грабеж“ на зависните играчи, кои често остануваат без своите пари.
Системот за кладење е едноставен. Организаторот на тоа кладење, најпрво составува група од 90 пријатели, поделени на три групи по 30 луѓе.
Обично тој во предвид ги зема рамноправните коефициенти, односно 2.75 за победа на домаќинот, 3 за реми и 2.75 за победа на гостинот. Овие три „фикса“ им ги испраќа на трите групи по 30 членови кои претходно ги направил.
Тој најпрво не им бара пари и ги убедува дека тоа е за да се докажи. Практично, еден исход мора да излези, па така за следниот натпревар веќе добива 30 соработници, но се разбира дека следниот треба да го платат однапред.
Следниот пат тој тие 30 членови ги групира повторно во три групи по 10 членови, па така заработува повторно. Тоа го прави додека не се изретчат комплетно.
Сепак, тука приказната не завршува, туку напротив апетитите растат. Па како што се намалува бројката, така и уплатата пред натпревар добива вртоглава цифра, односно знае да достигне и до неколку илјади евра.
Кога кругот ќе се затвори, повторно се започнува нова серија со нов фејсбук профил. Ве молиме бидете претпазливи, бидејќи дојави не постојат, односно 100% сигурен натпревар да стигне до нас обичните играчи, тоа е навистина тешка мисија!
Be the first to comment