Барселона вечерва му гостува на Челзи во еден од најочекуваните дуели од осминафиналето во Лигата на шампиони.

Мометалната форма ги фаворизира Каталонците, но Челзи е најопасен кога е потценет. Двата тима имаат богата историја во меѓусебни дуели, сите после 2000 година.

Интересно е дека од вкупно 12 натпревари, само два се во групната фаза од ЛШ, а останатите 10 го одиграле во елиминациите.

Последно Барселона и Челзи излегоа еден против друг во полуфиналето од сезоната 2011/12, кога „сините“ победија со вкупни 3:2, а потоа го освоија трофејот. Од тогашниот состав на Барса, Педро и Фабрегас сега се во тимот на „сините“ од Лондон.

Повреди и суспензии

Менаџерот на Челзи има дилема кој да го предводи нападот. Многу поверојатно е тоа да биде Алваро Мората, кој веќе е целосно рехабилитиран, но Жиру исто така има шанси да биде стартер. Во составот се враќа Маркос Алонсо, но Тимуе Бакајоко сигурно ќе го пропушти овој натпревар.

Давид Луиз и Рос Баркли до последно ќе бидат под знак прашалник, но сигурно нема да бидат меѓу стартерите.

За Барселона познато е дека нема да може да настапи Филипе Кутињо кој веќе играше во ЛШ со дресот на Ливерпул. Меси ќе се обиде да го постигна првиот гол против Челзи, а друштво во нападот ќе му прават Луис Суарез и Осман Дембеле.

Средниот ред ќе го сочинуваат Иниеста, Бускетс и Ракитиќ, па единствената дилема за Валверде е десната бековска позиција – Нелсон Семедо или Сержи Роберто.

Дуелот Канте – Меси ќе биде клучен

Според најавениот состав менаџерот Антонио Конте максимално ќе го згусне средниот ред бидејќи знае дека најголемата опасност за неговиот тим доаѓа од таму. Ќе се обиде да го пресече протокот на топки од средниот ред кон нападот, бидејќи знае дека неговата одбрана (Кристенсен – Кејхил) е инфериорна во споредба со нападот на Каталонците.

Маркос Алонсо треба да го лимитира Осман Дембеле по левата страна, додека Мозес треба да го спречи вртчувањето од втор план на Ракитиќ. Во тој случај клучен ќе биде дуелот Канте – Меси, бидејќи Аргентинецот скоро сите топки ќе ги добива надвор од шеснаесетникот и ќе се обиде да направи вишок, продор или проигрување од Суарез.Секоја одземена топка во тој дел од теренот ќе биде шанса за контранапад на „сините“ преку брзите Азар и Мората.

Веројатни состави:

Челзи (3-5-1-1): Куртоа, Аспиликуаета, Кристенсен, Гери Кејхил, Мозес, Дринквитер, Канте, Фабрегас, Алонсо, Азар, Мората.

Барселона (4-3-3): Тер Штеген, С. Роберто, Пике, Умтити, Алба, Ракитиќ, Бустект, Иниеста, Дембеле, Суарез, Меси.

Интересни факти:

– Челзи запиша три порази во четири меча, пред да ги добие последните два натпревари со гол разлика од 7:0.

– „Сините“ имаат само два порази од 16 меча со шпански тимови.

– Барселона има само еден пораз во сите натпреварувања оваа сезона.

– Каталонците не примија гол на трите гостувања во ЛШ оваа сезона.

– Меси нема постигнато гол во 8-те меча против Челзи и има само една победа против тимот од „Стенфорд Бриџ“.

Двата тима даваат гол @1,77 во 10bet