Денес има голема понуда за обложување, а ние ќе го анализираме дуелот од Премиер лигата помеѓу Тотенхем и Манчестер Сити.
Тотенхем мисли на Лига Европа
Најдобриот натпревар во сезоната Тотенхе го одигра во ноември на „Етихад“. Тогаш го победија Манчестер Сити со 4-0, но потоа се покажа дека ваквиот исход не е последица на некоја особена сила на Тотенхем, туку, пред се, на слабостите на Граѓаните, кои се потврдија во подоцнежниот период. Сити не е ниту сенка на тимот кој блескаше во претходните сезони, но ниту Тотенхем. Тимот на Постекоглу има само една шанса да направи нешто значајно оваа сезона, а тоа е Лига Европа. Тие мора да ги фрлат сите карти на ова натпреварување бидејќи неговото освојување не значи само носење на трофејот на Вајт Харт Лејн по шест децении, туку и обезбедување на Лигата на шампионите за следната сезона, што беше главната цел на Спарс на стартот од актуелната сезона. Тотенхем во четврток го игра првиот натпревар од ова натпреварување против АЗ Алкмар во осминафиналето, а за тој меч ќе има осум дена да се подготви бидејќи претходно беше елиминиран од ФА Купот и е слободен за викендот.
Секој бод е важен за Сити
Натпреварот со Ливерпул им стави до знаење на сите кои се уште веруваа дека Гвардиола може повторно да го освои трофејот во Премиер лигата, како што тоа го правеа во претходните четири години. Јазот што го имаше Ливерпул пред директниот меч веќе беше огромен, но најголемите оптимисти и вљубеници поверуваа во чудо. Меѓутоа, Црвените победија лесно во Манчестер и сега имаат неверојатни 20 бода повеќе од Сити, со еден одигран натпревар повеќе. Граѓаните на тој натпревар се простија од Премиер лигата, а неколку дена претходно испаднаа од Лигата на шампионите, па ФА Купот е единственото натпреварување во кое евентуално би можеле да триумфираат. Сепак, многу е важно Сити да обезбеди билет за Лигата на шампионите следната сезона, бидејќи тоа би било преголем удар за овој клуб и прашање е кога и дали би се опоравиле од тоа во догледна иднина. Поради тоа секој бод за нив е важен бидејќи конкуренцијата е голема.
Очекување
Очекуваме непредвидлив дуел бидејќи двете екипи играат топло-ладно, но по традиција играат натпревари богати со голови па веруваме дека така ќе биде и овој пат.
Be the first to comment