Денес нема голема понуда за обложување, а ние ќе го анализираме дуелот од ФА Купот помеѓу Донкастер и Кристал Палас.
Донкастер нема што да изгуби
Донкастер Роверс се натпреварува во Лига 2, четврта лига во Англија, но тие лесно би можеле да бидат во третата лига веќе следното лето. Моментално се на третото место, последното место кое директно води во Лига 1. Тие во саботата беа надвор од терените поради овој натпревар од ФА Купот, но на последниот натпревар одигран претходната недела претрпеа убедлив и сосема неочекуван пораз на гостувањето кај Честерфилд од дури 5:2. Ваквиот расплет сигурно ги загрижи навивачите на овој тим, особено што дојде по пет последователни победи, четири во првенството и една во последното коло од ФА Купот над второлигашот Хал Сити. Играњето во ФА Купот е престиж и сигурно ќе сакаат да одат што е можно подалеку иако имаат многу посилен противник. Сепак, домашниот терен ќе биде мала предност.
Палас е голем фаворит на овој меч
„Орлите“ ја стабилизираа формата во Премиер лигата по прилично слабиот старт. Ова не е прв пат Палас да почнува сезона со лош старт, тоа се случуваше во претходните години, а последователните солидни резултати не успеаја значително да го подобрат пласманот на тимот. Сега, „орлите“ се само на 12. место и покрај тоа што претрпеа само еден пораз, едно реми и пет победи во претходните седум првенствени кола. Последниот триумф го забележаа минатата недела кога на „Олд Трафорд“ го совладаа Манчестер Јунајтед со 2-0. Палас игра одлично на гостински терен и е без пораз на последните 8 гостувања во Премиер лигата, со 5 победи и три нерешени. Иако главна цел на овој тим е да обезбеди опстанок во лигата, сепак ќе сака да оди што подалеку во ФА Купот.
Очекување
Формата и квалитетот се на страната на гостите и веруваме дека ќе се пласираат во следното коло.
Be the first to comment