Денес се натпреварите од традиционалниот Боксинг Деј, а ние за вас ќе го анализираме дуелот помеѓу Манчестер Сити и Евертон.
Сити заборави да победува
Манчестер Сити ја има една од најголемите кризи во ерата на Пеп Гвардиола. Веќе неколку кола не знае за победа како во Премиер лигата така и во Лигата на шампиони. Имено, „граѓаните“ на последните десет меча имаат девет потрази, тоа резултираше со пад на табелата, па моментално се наоѓа на 6-то место на табелата. Готово сигурно го загуби чекорот со лидерот, па сега целта за „граѓаните“ ќе биде пласман во Топ 4. Овој тим сигурно има голем квалитет и доминираше изминатите години во Премиер лигата, па само прашање на време е кога ќе се врати на победите. Ова е идеален момент за победа и тоа празнично пред своите навивачи. Се чини дека тимот на Гвардиола ја загуби самодовербата и „се плаши“ да победи. Притоа, треба да се напомене дека Гвардиола има и големи проблеми со повредени играчи.
Евертон игра се подобро
Евертон изминатите две сезони буквално во последното коло се спасуваше од испаѓање од Премиер лигата. Оваа сезона играат нешто подобро и очекувањата се дека многу полесно ќе изборат опстанок. Тоа секако останува главна цел за тимот од Ливерпул, кој во последно време игра се подобро. Има само еден пораз на последните пет меча и со тоа се оддалечи од зоната за испаѓање и се наоѓа на 16-то место на табелата. Ова по традиција е тешко гостување и Евертон одамна нема позитивен резултат против Сити. Сега е во добра форма и ќе се обиде да ја искористи лошата ситуација кај противникот за да остане непоразен.
Очекување
Сити е голем фаворит на овој меч и едноставно нема право на кикс, па веруваме дека конечно ќе се врати на победите.
Be the first to comment