![Tip na denot final1 Тип на денот](https://kladenje.mk/wp-content/uploads/2022/04/Tip-na-denot-final1-678x381.jpg.pagespeed.ce.q-QsTxpUxZ.jpg)
Во фокусот секако овие денови е Европското првенство за играчи до 21 години и уште во првото коло веднаш ќе има големо дерби помеѓу Франција и Италија.
Двете репрезентации се меѓу фаворитите за висок пласман и не би требало да имаат проблем да ја минат групата, па ова ќе биде дуел е првото место во групата.
Франција е најголем фаворит за златото
Французите веќе со години наназад се главни фаворити кога е репрезентативниот фудбал во прашање и имаат големи таленти кои се веќе ѕвезди во своите клубови. Иако на последните три пријателски меча запишаа само една победа, сепак тоа не треба да биде индикатор бидејќи Франција знае како да игра на големи натпреварувања и сигурно влегува како фаворит на ЕП. Во тимот имаат ѕвезди како Пјер Калулу, Турам, но и сензацијата од оваа сезона во Лига 1, стрелецот Вахи. Сега во првото коло играат против главниот ривал во групата, па сигурно ќе сакаат да ги освојат трите бода за да бидат во пол-позиција за првото место.
Италија допатува со одличен тим
Младата италијанска репрезентација има големи амбиции на ова Европско првенство, а најдобар доказ за тоа е тимот со кој допатува. „Аѕурите“ ќе ги предводи ѕвездата на Милан, Сандро Тонали, а во тимот има докажани фудбалери како Еспозито, Ровела, Колмбо… Италијаните супериорно ги минаа квалификациите, а победија и во пријателските натпевари пред ЕП. Во одлична атмосфера допатуваа на ова натпреварување и сигурно ќе сакаат добро да стартуваат. На почетокот играат против најголемиот фаворит и ривал, па позитивен резултат ќе им даде додатен ветер во грб на „аѕурите“. Во секој случај и доколку загубат во следните натпревари имаат големи шанси да обезбедат пласман во следната фаза.
Очекување
Квалитетот е на страната на Франција, но Италија е во добра форма и знае да игра турнирски. Очекуваме израмнет дуел кој ќе го одлучат детали, но исто така очекуваме и голови на двете страни.
Be the first to comment