После паузата за репрезентации се враќа клупскиот фудбал, а денес еден од најинтересните дуели се игра во Будеслигата помеѓу Ајнтрахт Франкфурт и Бохум.
Ајнтрахт се наоѓа на 6-то место и се бори за пласман во Топ 4, па нема право на кикс. Од друга страна Бохум се бори за опстанок и бодовите му се прекупотребни. Тоа значи дека не очекува возбудлив меч и голема борба за бодови.
Може ли Ајнтрахт да стигне до Топ 4?
Ајнтрахт минатата сезона после цели 42 години стигна до европски трофеј и триумфираше во Лига Европа, а тоа му донесе и пласман во Лигата на шампиони. Токму тоа е најголема цел за Ајнтрахт оваа сезона, односно пласман во Топ 4 и обезбедување на билет за ЛШ. До сега тимот од Франкфурт игра според очекувањата и се наоѓа на 6-то место, па цели шест бода заостанува од четвртото место и нема право на кикс. Ајнтрахт добро се претстави и во ЛШ, каде стигна до осминафиналето и беше елиминиран од Наполи. Ајнтрахт во последно време има голем пад на формата, па на последните четири меча освои само два бода и тоа доведе до пад на табелата. Репрезентативната пауза сигурно му дојде добро, а сега има противник по мерка и сите предуслови за да се врати на победите. Кога станува збор за тимот, тренерот нема да може да смета на Линдстром поради повреда и Тута кој е суспендиран.
Бохум се бори за опстанок
Бохум се бори за опстанок и моментално се наоѓа на 14-то место на табелата, но со само четири бода повеќе од опасната зона. Бохум во последно време заигра подобро и запиша две победи по ред и тоа против Лајпциг и Келн, без примен гол. Поради тоа со голема самодоверба патува во Фракфурт и целта е да се врати дома со освоени бодови. Со оглед на фактот дека секој бод може да биде одлучувачки до крајот на сезоната, сигурно не очекува голема борба и нема лесно да се предаде. Притоа ќе се обиде да ја искористи слабата форма на противникот, кој нема победа веќе четири меча. Кога станува збор за тимот, тренерот нема да може да смета на Кунде, Камбоа и Соарес.
Очекување
Квалитетот и традицијата се на страната на домаќинот, па Ајнтрахт е голем фаворит на овој меч. Иако Бохум е во добра форма и нема лесно да се предаде, сепак веруваме дека домаќинот ќе ги освои трите бода.
Be the first to comment