После доста возбудливите натпревари од ЛШ во вторникот, денес на програмата ги имаме двата последни дуели од 1/8 финалето на најелитното фудбалско натпреварување. За вас го издвоивме дуелот помеѓу Интер и Порто кој ќе се игра на Џузепе Меаца вечер во 21:00 часот.
Може ли Интер да ја оправда улогата на фаворит?
Иако во минатата сезона до последното коло во Серија А се водеше голема битка, Интер за жал остана без Скудето, па ја пропуштија шансата да ја одбранат титулата, но сепак ја остварија својата примарна цел, а тоа беше пласманот во ЛШ. Во овој момент, се наоѓаат на второто место на табелата во Серија А, но имаат 15 бода помалку во однос на првопласираниот Наполи. Во минатото коло избраниците на Инзаги славеа на домашен терен против Удинезе со резултат 3-1. Кога се во прашање натпреварите на домашен терен, досега актуелниот шампион изигра 12 дуели и оствари 10 победи и 2 порази. Исто така мора да нагласиме дека многу добро се покажаа и во групната фаза во ЛШ, што во претходните сезони и не беше баш така. За противник во 1/8 финалето го добија тимот на Порто, па Миланезите во овој дуел влегуваат како големи фаворити.
Порто не се предава лесно
Фудбалерите на Порто во минатата сезона без поголеми проблеми стигнаа до новата титула во Португалија и имаа шест бода повеќе во однос на второпласираниот Спортинг од Лисабон, а впечатокот е дека во ниеден момент титулата не се доведе во прашање. Секако дека и оваа година имаат големи амбиции, но во моментов се наоѓаат на второто место во домашното првенство со пет бода помалку во однос на првопласираниот тим на Бенфика. Што се однесува до ЛШ, португалскиот претставник во една изедначена група успеа да стигне до пласман во нокаут фазата, поточно до овој дел стигнаа како првопласирани. Не треба да заборавиме дека започнаа со два порази, но набргу ја поправија грешката и сега се таму каде што треба да бидат. Во тие дуели успеаа да го победат Атлетико Мадрид и Клуб Бриж и докажаа дека се психички спремни и дека не се откажуваат лесно.
Be the first to comment