Колото во Премиерлигата започнува денес со лондонска пресметка помеѓу Челзи и Фулам на „Стенфорд Бриџ“.
Челзи моментално се наоѓа на 10-то место на табелата и повеќе нема право на кикс, па се наоѓа пред императив победа. Од друга страна Фулам е најпријатно изненадување оваа сезона на Островот и се наоѓа на 6-то место на табелата.
Челзи – засилувања многу, резултати малку
Челзи направи вистински бум на трансфер пазарот и донесе неколку големи засилувања. Во последниот ден од преодниот рок пристигна Енцо Фернандез за 121 милион евра, па стана најскапо засилување во историјата на Премиер лигата. Со новите засилувања Челзи сигурно ќе сака да ја спаси сезоната, бидејќи моментално се наоѓа на 10-то место на табелата, па нема право на кикс. Во последните два меча покажа дека полека влегува во форма, најпрво запиша победа, а потоа одигра реми против Ливерпул. Сите нови засилувања се спремни за игра, па тренерот Потер на располагање ќе има одличен тим и се друго освен победа ќе биде големо изненадување. Домашниот терен сигурно ќе биде предност за „сините“, кои сепак треба да внимаваат бидејќи имаат нзгоден противник.
Фулам најпријатно изненадување
Фулам е најпријато изненадување оваа сезона во Премиер лигата и моментално се наоѓа на 6-то место на табелата, па со право овој лондонски клуб се надева на пласман во Европа. Тимот се засили со плејмејкерот и српски репрезентативец Саша Лукиќ, кој пристигна од Торино и сигурно ќе донесе квалитет во средниот ред. Фулам беше во серија на победи, но на последните два меча запиша два порази, од Тотенхем и Њукасл, но со минимални 1:0. Тоа е и одлика на овој тим, игра цврсто во одбраната, а во нападот го има расположениот Митровиќ. Поради тоа сигурно нема лесно да се предаде против Челзи и ќе сака да освои бодови на ова гостување. Фулам игра цврсто и ќе се обиде да се заканува преку контранапади, исто како што тоа го направи пред три недели. Овие два тима играа неодамна и Фулам со 2:0 го победи Челзи на домашен терен, па тоа ќе му даде самодоверба пред ова гостување.
Очекување
Квалитетот и домашниот терен се на страната на Челзи, па веруваме дека ќе ги освои трите бода. Притисокот е голем за Челзи, кој многу се засили и сигурно нема да му биде лесно, но се наоѓа пред императив победа.
Be the first to comment