Денес на програмата е четвртфиналниот натпревар од италијанскиот Куп, каде Интер на „Џузепе Меаца“ ќе ги одмери силите со Аталанта за пласман во полуфинале.
Интер го брани трофејот и сигурно ќе сака да стигне до финалето, а домашниот терен е голема предност. За Аталанта ова е единствена шанса за трофеј и „Божицата“ се наоѓа во одлична форма.
Интер сака да го одбрани трофејот
Интер оваа сезона игра топло-ладно и веќе испадна од трката за Скудетото бидејќи заостанува цели 13 бода зад лидерот Наполи. Поради тоа „нероаѕурите“ со трофеј во Купот сакаат да ја спасат сезоната и да направат континуитет во освојување на титули секоја сезона. Претходното коло се намачија против Парма, па сега сигурно многу посериозно ќе влезат во овој дуел. Влогот е голем, а сега имаат силен противник, кој е во добра форма. Тимот на Инзаги после мундијалската пауза не игра според очекувањата, па минатото коло едвај стигна до победа против Кремонезе. Скоро сигурното заминување на Скриниар може додатно да ја наруши атмосферата, но од клубот изјавија дека Купот е важна цел оваа сезона и сакаат да стигнат до финале и да го одбранат трофејот. За овој дуел Инзаги нема да може да смета на Брозовиќ, а најверојатно ќе биде изоставен и Скриниар, кој е пред трансфер во ПСЖ.
Аталанта влезе во одлична форма
Се чини дека мундијалската пауза дојде во одлчно време за овој тим, па Аталанта во последно време игра одлично. Заедно со Наполи тие се тим со најдобра форма во лигата, па со голема самодоверба доаѓаат во Милано. Целта секако е пласман во полуфиналето, бидејќи Аталанта ќе се обиде конечно да дојде до трофеј, а Купот е единствена шанса. На последните шест меча Божицата запиша пет победи и едно реми, па моментално се наоѓа во Топ 4 во Серија А, што е и главна цел за овој тим. Тренерот Гасперини нема проблем со повредени играчи, па се очекува на „Џузепе Меаца“ да излезе со најсилениот состав и секако ќе даде се од себе за да се пласира во следната фаза. Аталанта сигурно нема да игра безглаво, ќе чека шанса, а тренерот знае дека може да стигне до полуфинале и преку продолженија или пенали. Традицијата не е на нивна страна, бидејќи Аталанта во последните пет меча нема побреда против Интер, два пати беа поразени и три пати одиграа реми.
Очекување
Очекуваме неизвесен дуел кој ќе го одлучуваат мали детали, а победникот може да биде решен дури и после продолженија или пенали. По традиција нивните натпревари се богати со голови, па очекуваме така да биде и овој пат.
Be the first to comment