Премиерлигата без одмор продолжува во новата година и денес започнува 17-то коло, кое се отвара со мечот Брентфорд – Ливерпул.
Ливерпул моментално се наоѓа на 6-то место на табелата и со победа на овој меч ќе се искачи едно место погоре, но Брентфорд сигурно нема да се предаде лесно бидејќи е во одлична форма.
Брентфорд најпријатното изненадување
Брентфорд е едно од најпријатните изненадувања оваа сезона, моментално се наоѓа на 10-то место на табелата и игра одлично. Тимот е во одлична форма и е во серија од пет меча без пораз, па ова ќе биде голем тест за нив. На последните пет меча запиша две големи победи и тоа на гости кај Вест Хем и Манчестер Сити, па тимот во овој меч влегува со голема самодоверба. Изненадувачки Брентфорд оваа сезона игра подобро на гости отколку на домашен терен, но впечатокот е дека најдобрите партии ги даде против големите фаворити, а Ливерпул сигурно е таков. Минатата сезона Брентфорд одигра одлично против Ливерпул и остана непоразен пред своите гледачи, па сигурно ќе сака да го повтори тој меч. Проблем може да биде отсуството на Ајер, но Брентфорд сигурно ќе даде се од себе за да остане непоразен.
Ливерпул полека почнува да личи на себе
Ливерпул имаше катастрофален старт на сезоната, мимо сите очекуавања, па брзо испадна од трката за титулата. Поради тоа тимот на Клоп до крајот на сезоната ќе се бори за пласман во Топ 4 и да избори пласман во Лигата на шампиони. Добра вест е што тимот полека влегува во форма, се чини дека мундијалската пауза дојде во вистинско време, па после паузата запиша две победи. Моментално се наоѓа на 6-то место, но со победа на овој меч ќе го престигне Тотенхем и ќе биде многу блиску до четвртото место. Пристигна големо засилување во името на Коди Гакпо, па се очекува Ливерпул да игра се подобро и подобро. Сепак, ова воопшто нема да биде лесно гостување бидејќи Брентфорд има квалитет и игра во одлична форма, особено против фаворитите.
Очекување
Очекуваме Ливерпул да ја продолжи добрата серија и да го искористи киксот на фаворитите, па да оствари победа на овој меч, но исто така очекуваме натпревар богат со голови.
Be the first to comment