Денес е слободен ден на Мундијалот, но ширум Европа се играат многу интересни натпревари, а секако најголемо внимание привлекува мечот од шпанската втора лига помеѓу Малага и Гранада.
Малага во многу тешка ситуација
Пред десетина години Малага доби богати сопственици и зенитот овој клуб го достигна во 2013 година, кога играше во четвртфиналето од Лигата на шампиони, а малку недостигаше да се пласира во полуфиналето. Олекувањата тогаш беа Малага долго да остане на врвот на шпанскиот фудбал, но потоа следуваше период на слободен пад. Пет години после тоа Малага испадна во понизок ранг и се уште не успева да се врати во Примера. Како што сега стојат работите овој тим може да биде среќен ако и следната сезона игра во Секунда, бидејќи ја очекува грчевита борба за опстанок. Имено, избраниците на Пепе Мел моментално се наоѓаат на 21-то место на табелата и во овој момент тимот од „Ла Росаледа“ има четири бода помалку од тимовите кои се наоѓаат во безбедната зона. Што се однесува до формата, на последните пет натпревари Малага запиша само една победа и две ремија, а сега на гости им доаѓа тим кој е во многу подобра ситуација и по квалитет и по форма.
Гранада сака експресно да се врати во Примера
Малку кој можеше да претпостави минатата сезона дека Гранада ќе испадне во понизок ранг, особено поради фактот што година претходно овој тим избори пласман во Лига Европа, каде стигна дури до четвртфиналето. На крајот Гранада заврши на 18-то место со само еден бод помалку од Кадиз, кој успеа да се спаси, а Гранада испадна во втора лига. Поради тоа примарна цел на овој тим ќе биде експресно враќање во Примера, а секако дека има квалитет за тоа. Во моментов Гранада се наоѓа на седмото место на табелата, со два бода помалку од шестото место кое води во плеј-оф. Што се однесува до формата избраниците на Каранка на последните пет меча запишаа две победи, два порази и едно реми. Сега му гостуваат на еден од најслабите тимови во лигата и се пред императив победа. Најголема предност на овој тим е одбраната бидејќи Гранада е еден од тимовите со најмалку примени голови во досегашниот дел од шампионатот.
Очекување
Гостите се фаворити, но „Ла Росаледа“ е тешко гостување за сите тимови во лигата. Поради тоа очекуваме неизвесен дуел кој ќе го одлучуваат мали детали и исто така очекуваме неефикасен меч.
Be the first to comment