Денес ќе биде комплетирана групната фаза од Лига Европа, а еден од најинтересните дуели секако е мечот помеѓу Монако и Црвена Звезда, каде двата тима во директен дуел ќе одлучуваат за пласман во нокаут фазата.
Монако е на второто место на табелата со еден бод повеќе од Црвена Звезда, која е на последното место. Во оваа група се е отворено и сите четири клуба можат да се пласираат во нокаут фазата, а во одреден случај на Монако може да му биде доволно и реми.
Монако треба да ја оправда улогата на фаворит
Во Монако и понатаму имаат горчлив вкус во устата, бидејќи тимот од „кнежевството“ на неверојатен начин остана без директен пласман во Лигата на шампиони во последното коло. После неуспехот во квалификациите, тимот на Клеман мораше да се задоволи со учество во Лига Европа, каде после пет одиграни кола се наоѓа на второто место во групата за 7 освоени бода. Монако држи се во свои раце, но со оглед дека Трабзон игра одлично на домашен терен, не треба да смета на реми и треба да игра на победа против Црвена Звезда. Монако минатото коло одигра реми против Ференцварош, кој наспроти сите очекувања веќе обезбеди пласман во нокаут фазата. Останатите три клуб имаат шанси и ќе се борат за едно место, а пресметките на Монако се јасни- со победа на овој меч сигурно оди понатаму. Кога се во прашање кадровските решенија, во овој клучен натпревар тренерот Клеман нема да може да смета само на Агилар и Гебелс.
Црвена Звезда по „чудо“ во Кнежевството
И Црвена Звезда исто како Монако за малку остана без пласман во Лигата на шампиони. Тоа доведе и до турбуленции во клубот од Белград бидејќи тренерот Станковиќ си поднесе оставка, а на негово место дојде Милојевиќ. Тоа најверојатно доведе и до слаб старт во Лига Европа, но прашање е дали српскиот шампион можеше повеќе. Црвена Звезда запиша два порази во првите две кола, иако против Монако на домашен терен одигра одлично, но недостасуваше малку среќа. Со победата над Трабзон во минатото коло сега Црвена Звезда дојде во позиција да се бори за европска пролет и има само еден бод повеќе од второппласираниот Монако. Тоа значи дека „црвено-белите“ ќе мора да победат во „кнежевството“, но и тоа може да не биде доволно доколку Трабзон победи на домашен терен. Што се однесува до тимот, тренерот Милојевиќ за овој меч нема да може да смета на Саного, а најголем хендикеп сигурно ќе биде неиграњето на Драговиќ поради жолти картони.
Очекување
Очекуваме отворен меч во кој двата тима ќе одат на победа и без калкулации. Монако е во предност поради домашниот терен, но српскиот шампион сигурно нема лесно да се предаде. Тоа е предлуслов да гледаме возбудлив меч со многу голови.
Be the first to comment