Како одминуваат деновите, се поблиску сме до почекотот на Светско Првенство во Русија. Така се повеќе се говори на таа тема, а ние уште сега ќе ги објавиме нашите Топ 10 фаворити. Искрено, премногу е рано за такво нешто и можни се промени во фаворитските улоги на репрезентациите до почетокот на шампионатот. Но од моментална гледна точка ова се нашите 10 фаворити.
-
Бразил | ФИФА ранг: 2
Луис Фелипе Сколари беше понижен со пораз од 7:1 во полуфиналето на Светското првенство во 2014 година. Данга потоа донесе непријатно испаѓање од групната фаза во 2016 на Копа Америка, па Бразил го ангажираше Тите веднаш потоа. Оттогаш, бразилите предводено од Нејмар, Габриел Хесус и Филип Кутињо играат одлично. Тие завршија на врвот во квалификациите во КОНМЕБОЛ зоната, со дури 10 поени повеќе од нивниот најблизок противкандидат.
-
Шпанија | ФИФА ранг: 6
Во квалификациска група со Италија, Шпанија заврши прва со пет поени повеќе од италијанците. Импресивна беше гол разликата на Шпанија +33 во таа тешка група. Во репрезентацијата има малку остатоци од тимот кој беше најдобар во стетот од 2008 до 2012 година. Но следниот бран на шпански талент – вклучувајќи ги и Тиаго, Иско и Марко Асенсио – се чини дека се подготвени да го задржат шпанскиот фудбал на врвот.
-
Германија | ФИФА ранг: 1
Германија ја одбрани титулата на Светското првенство во 2014 година. Воедно беше совршена во квалификациите за Светско Првенство во 2018 година – единствениот тим во Европа кој има скор 10-0-0 во квалификациите. Јоаким Лев е подготвен да ги предводи германците на својот шести голем турнир, откако минатото лето ја убедливо го освои Купот на конфедерации со Б тимот на Германија. Тоа значи дека длабочината на составот на Германија е неверојатна па не треба да е изненадување доколку фудбалери како Лерој Сане и Емре Кан бидат резерви.
-
Франција | ФИФА ранг: 9
Франција влезе во Еуро 2016 на домашен терен како огромен фаворит, но доживеа пораз во финалето од Португалија. Тие завршија на врвот на својата квалификациска група за овој турнир, но изгубија поени од ослабената Холандија (4-1) и од Белорусија. Тоа остава отворени прашања за нивниот менталитет. Сепак, Франција има длабочина во составот и голем квалитет во средината на теренот и нападот, па јасно е дека е еден од фаворитите на Светското Првенство.
-
Аргентина | ФИФА ранг: 4
Аргентина чекаше до последниот ден да се квалификува на шампионатот во Русија и тоа го сторија откако Лионел Меси постигна хет-трик во победата од 0:3 над Еквадор. Тоа беше тешка квалификациска кампања за нив, откако загубија на Копа Америка во финалето во 2015 и 2016 година. Но, Аргентина со Меси за кого ова можеби е последна шанса за светска титула секогаш е фаворит за златото.
-
Белгија | ФИФА ранг: 5
Ова лето би требало да биде врвот на златната генерација на Белгија. Јан Вертонген, Винсент Компани, Фелаини, Муса Дембеле, Неиголан и Мертенс ќе бидат во својата 30-та година или постари кога ќе започне турнирот. Тоби Алдервиред и Аксел Витсел неодамна го прославија својот 29-ти родендени. Ова е последна шанса за оваа генерација и може да биде круна на нивната кариера. Ако Црвените Ѓаволи одиграат како што умеат, со таленти како што се Кевин де Брујн и Едем Хазард, кои ќе го предводат тимот, ова е година за да се достигне врвот.
-
Португалија | ФИФА ранг: 3
Исто како што Аргентина е способна за нешто со Меси во својата селекција, истото може да се каже и за Португалија и Кристијано Роналдо. За Реал Мадрид тој има постигнато 21 гол во последните 11 настапи. Дури и ако 33-годишниот капитен не може да го задржи темпото низ летото, неговата земја се докажа на Еуро 2016 дека може и без него. Потсетуваме, Португалија е европски шампион, а во финалето славеше над Франција без Роналдо во тимот.
-
Уругвај: ФИФА ранг: 22
Уругвај го освои второто место во квалификациите во Јужна Америка и покрај тоа што Луис Суарез се бореше со проблемот со коленото минатата есен. Тоа го ограничи на два гола во нивните последни натпревари. Можеби тоа е илустративно за борбите кои ги доживуваа Аргентина, Колумбија и Чиле, но тоа подеднакво може да покаже колку е добар Единсон Кавани (водечки стрелец во квалификациите во регионот). Тука е и цврстата одбрана на репрезентацијата која не прими гол на осум натпревари во квалификациите.
-
Англија | ФИФА ранг: 16
Оваа селекција можеби е една од нај потценетите. Има многу отворени прашања во одбраната, но има и прашања во средниот ред. Сепак, Англија во секој дел од теренот има одлични фудбалери. Најголемото прашање е дали конечно се склопени коките за успех. Ако Хари Кејн може да заздрави од повредата на глуждот и да се врати во формата што ја демонстрираше цела сезона, Англија може да биде кандидат за трофеј. Во најмала рака фаворит за да го помине четвртфиналето за прв пат од 1990 година.
-
Колумбија | ФИФА ранг: 13
Колумбија заврши на третото место во квалификациската кампања во КОНМЕБОЛ зоната. Во Давинсон Санчез и Џери Мина, Јужноамериканците имаат едно од најветувачките млади партнерски дефанзивни фудбалери на турнирот. И Радамел Фалкао се препороди кога се врати во Монако минатата сезона. Ако Џејмс Родригез може да има уште едно одлично Светско првенство, би можела да направи изненадување во Русија.
