Реал Мадрид ќе се обиде да ја продолжи победничката низа на домашен терен, кога во сабота вечерта ќе го пречека Реал Бетис кој се наоѓа во извонредна форма.
Реал Мадрид, кој во моментов е втор на табелата во Ла Лига, ќе влезе во натпреварот по победата од 0:3 на гостувањето кај Кадиз, додека Бетис ја зазема шестата позиција, со ист број на бодови како и Виљареал.
Се намалуваат маките на Зидан со повредите
Реал Мадрид има три бода помалку од Атлетико Мадрид и два бода повеќе од Барселона. Интересна е трката по титулата сезонава во Шпанија, а Реал не смее да си дозволи кикс посебно на натпреварите на домашен терен. Два гола на Бенземе и еден на Одриозола за победа од 0:3 против Кадиз го донесе Реал на еден момент и на лидерската позиција, но само до победата на Атлетико над Хуеска.
Зинедин Зидан имаше маки и му недостигаа голем број важни играчи во изминатиот период, но сепак успеаа во намерата и останаа во чекор со Атлетико на Симеоне.
Лос Бланкос едноставно мора да продолжат да победуваат, а позитива за Зидан е тоа што дел од повредените полека се враќаат во тренажен процес.
Тие секако мислат и на првиот натпревар од полуфиналето во Лигата на шампионите против Челзи следната недела.
Имаше и многу внимание надвор од теренот, со претседателот на клубот Флорентино Перез и фамозната европска Супер лига, но тоа не би требало да влијае негативно на игрите на теренот.
Бетис сака во Европа следната сезона
Бетис ќе се обиде да ја искористи секоја неизвесност во редовите на Реал Мадрид. Тимот на Мануел Пелегрини има одлична сезона и сега тие разбирливо очекуваат бодови и против најдобрите.
Со 14 победи, седум нерешени средби и 11 порази од 32 натпревари, тие собраа 49 бода. Немаат шанси за пласман во Лигата на Шампиони, но сакаат во Лигата на Европа следната сезона. Бетис е на 16 поени од најдобрите четири, но тие се решени да завршат во Европа.
Екипата на Пелегрини загуби само еднаш во Ла Лига од почетокот на февруари, на вкупно 10 натпревари, иако сега одигра четири нерешени средби по ред, вклучувајќи 0:0 на домашен терен со Атлетик Билбао во средата вечерта. Сепак, Бетис е јасен аутсајдер на овој меч од секоја гледна точка и ќе бидат задоволни и со реми во Мадрид.
Be the first to comment