Волфсбург во сабота е доаќин на Борусија Дортмунд во Бундеслигата во потенцијално клучен судир во однос на целите на двата тима да завршат во Лигата на Шампионите следната сезона.
Волците се на пет бода пред Дортмунд на само четири натпревари до крајот на сезоната, а Ајнтрахт Франкфурт исто така се наоѓа меѓу двете екипи со исти амбиции.
Вулфсбург блиску до Лигата на Шампиони
Откако претрпеа два порази по ред за прв пат оваа сезона, патувањето во средата во Штутгарт претставуваше огромно враќање за Волфсбург во однос на пласман на местата кои водат во Лигата на шампионите.
Неуспехот на тој меч ќе значеше дека Дортмунд ќе имаше можност да го скокне Волфсбург на табелата совладувајќи го во меѓусебниот меч, но избраниците на Оливер Гласнер славеа победа од 1:3. Волфсбург покажа карактер кога е најпотребно и одигра навистина на едно високо ниво на тешкото гостување, па уште по половина час игра водеше со 0:2.
Со оглед на тоа што Волфсбург прими осум гола на последните три натпревари, јасно е дека тие мораат да ја поправат својата дефанзива доколку сакаат да освојат бодови против Дортмунд предводен од Халанд. Во таа насока се движеа и изјавите на Гласнер кој постојано ја потенцира работата со дефанзивците изминативе денови.
Дортмунд конечно во добра форма
Дортмунд има три победи по ред, прво над Штудгард со 2:3, па над Вердер со 4:1, па во средата над Унион Берлин со 2:0. Сепак, мора да се признае дека оваа сезона за тимот е очајна и под сите очекувања. А очекувањата се движеа околу титулата. Многу рано Дортмунд се откажа од трофејот, но и покрај тоа никој не помислуваше дека ќе имаат проблем да се пласираат на едно од првите четири места на табелата.
Конечно, се чини дека Дортмунд ја врати својата форма со три победи во низа во лигата, но Терзиќ нема да има никакви илузии дека е реално потребна победа против Волфсбург за да ја спасат сезоната со кпласман во Лигата на шампионите. Нивната предност е нападот и слабата дефанзивна форма на Волфсбург. Дортмунд даде девет гола на последните три меча, а покрај Халанд се разиграа и останатите, па ако се знае дека Волфсбург прими осум гола на последните три меча, јасно е дека гостите ќе се обидат да го искористат тоа.
Be the first to comment