Денес имаме два натпревари кои ќе се изиграат во рамките на ¼ финалето до Лигата на шампиони, а ние за вас го издвоивме дуелот помеѓу Интер и Баерн Минхен и ќе ви го претставиме во форма на тип на денот. Да напоменеме дека во првиот натпревар Интер создаде предност од еден погодок, така што резултатот беше 1-2 во корист на Италијанците.
Работите засега одат според планот на Интер
Интер во минатата сезона го освои Скудето и тоа беше прв трофеј за Инзаги откако го презеде кормилото на овој тим. Целта ја исполнија без поголеми проблеми, а со исти, па дури и поголеми амбиции влегоа и во новата сезона каде што бележат фантастични резултати како во домашното првенство, така и во ЛШ. Во Серија А се наоѓаат на лидерската позиција со одлична предност и веруваме дека ќе ја одбранат титулата и оваа година, а со секое ново коло тие се се поблиску до таа цел. Во Лигата на шампиони стигнаа до ¼ финалето и се на добар пат да обезбедат „билет“ и за ½ финалето бидејќи во првиот натпревар го победија Баерн Минхен со резултат 2-1 и тоа на Алијанц Арена.
Со Баварците никој „не е начисто“
Многу пати досега во нашите анализи ја спомнувавме минатата сезона која за Баварците беше катастрофална и тие остана без ниту еден освоен трофеј. Секако, ова година работите се различни и Баерн Минхен е на добар пат да ја освои титулата во домашната Бундеслига. Во ЛШ изиграа солидно досега, но во последниот натпревар не успеаа да победат против Интер, па сега имаат 90 минути за да ја поправат грешката, а добро познато е дека Баерн Минхен игра до последна секунда и дека со нив секогаш натпреварите можат да бидат максимално непредвидливи, па затоа се уште не ги отпишуваме од ова натпреварување.
Очекување
Италијанците точно знаат што сакаат, а Баерн Минхен не е тим кој лесно се предава. Влогот за овој натпревар е огромен, па ние искрено сметаме дека ќе гледаме интересен, возбудлив и ефикасен натпревар.
Be the first to comment