Денес во фокусот ќе бидат натпреварите од Лигата на шампиони, а ние ќе го анализираме дуелот помеѓу Реал Мадрид и Манчестер Сити.
Реал има предност но…
Реал како актуелен шампион не може да биде задоволен од настапите во Лигата на шампиони оваа сезона. Лошо ја започна сезоната и во првите четири меча запиша три порази. Го доведе во прашање и пласманот во следната фаза, но потоа запиша четири победи, но сепак не успеа да се пласира во првите осум кои одат дирекно во осминафинале. Ждебот му донесе силен противник, но Реал е навикнат да игра вакви важни натпревари. Тоа го покажа и во првиот меч каде со пресврт успеа да стигне до победа и предност пред реваншот. Сепак, Анчелоти и дружибата знаат дека не треба да се опуштат и ништо не е решено бидејќи играат со исклучително силен противник. Добрата вест за „кралевите“ е што за овој меч се враќаат во тимот Рудигер и Алаба.
Сити не се предава
„Граѓаните“ во Лигата на шампиони играа лошо и буквално во последниот меч обезбедија пласман меѓу првите 24 тима и обезбдија пласман во нокаут фазата. Тоа значеше дека ќе добие силен противник во плејофот, а ждребот сакаше да се сретнат со Реал Мадрид. Ова е веќе трет дуел на овие два тима во последните три години и е вистинска класика. Иако „граѓаните“ не се во добра форма, сепак имаат голем квалитет и имаат капацитет да го победат секого. Во првиот дуел одиграа еден од подобрите натпревари во последно време, но сепак беа поразени иако имаа предност. Тимот на Гвардиола ја загуби самодовербата, се прават многу индивидуални грешки. Сепак, нема да се предадат без броба иако сите во тимот знаат дека ќе биде исклучително тешко.
Очекување
Дуелите на овие два тима се секогаш непредвидливи, но по традиција се богати со голови, па веруваме дека така ќе биде и овој пат.
Be the first to comment