После неколкудневната пауза, на терен се враќаат репрезентациите кои ќе ги изиграат натпреварите во Лигата на нации. Денес најинтересно ќе биде во Брисел каде што ќе се сретнат селекциите на Белгија и Италија. Овој натпревар е закажан за 20:45 часот.
Дали Белгија можеше повеќе?
Слободно може да кажеме дека Белгија ја пропушти можноста со својата златна генерација да дојде до трофеј на едно големо натпреварување. Тие најблиску беа на СП во 2018 година кое се изигра во Русија каде што оваа репрезентација стигна до ½ финалето, но беа елиминирани од Франција со минимален резултат од 1-0. Во ова издание на Лигата на нации се поставува прашањето дали Белгија можеше да оствари повеќе бидејќи после четири изиграни натпревари се наоѓаат на третото место со само четири освоени бода што не е импресивен податок. Во последното коло беа поразени од Франција и тоа на домашен терен, а тој дуел заврши со резултат 1-2.
Италијанците играат одлично во последно време
Италија во последниве неколку години игра фантастично и тоа се докажува со титулата на претпоследното европско првенство каде што преку пеналите ја победија Англија и го зедоа пехарот. Конкретно за овој турнир, после четири изиграни натпревари зедоа 10 бода и оправдано се наоѓаат на првото место на табелата, а амбициите им се тука и да завршат. Општиот впечаток досега е многу позитивен, а ќе биде уште подобар доколку Италијанците обезбедат пласман на завршниот турнир.
Очекување
Воглавно натпреварите помеѓу овие две репрезентации секогаш се ефикасни и отворени, па веруваме дека и сега ќе биде така.
Be the first to comment