Денес повторно во центарот на вниманието ќе бидат натпреварите од Лигата на нации, а ние ќе го анализираме дуелот помеѓу Шпанија и Србија.
Шпанија силна и без Јамал
Подмладениот тим на Шпанија блесна на Европското првенство и сосема заслужено стигна до престижниот трофеј, иако за волја на вистината очекувањата не беа многу високи. Де ла Фуерте врши одлична работа и доведе многу млади играчи на кои ја потпира цела игра како Јамал, Вилијамс и Олмо. Од самот старт на ЕП тргнаа фуриозни и ги победија сите фаворити. Имаат одличен систем на игра и сигурно се фаворити на овој меч. Пред еден месец не успеаа да победат во Белград, па тоа ќе биде мотив повеќе на овој меч. Шпанија е во одлична форма и не би требало да има проблем да дојде до трите бода, иако ќе биде без Јамал.
Србија со мали шанси во Шпанија
Минатиот месец во многу изменет состав ќе ја дочекаа Шпанија и мора да се признае дека Србија играше одлично против европскиот шампион и одигра реми без голови. Меѓутоа, потоа следуваше гостување кај Данска и многу наивен пораз на нашите соседи. Долго време Србија се мачи да ја пронајде својата најдобра игра и после лошите настапи на ЕП имаше многу турбуленции. Одбраната функционира одлично и во моментов тоа е најсилниот дел од тимот, но проблем е реализацијата. Пред три дена Србија одигра фантастичен натпревар и ја победи Швајцарија, а веднаш се види колку значи враќањето на Митровиќ во тимот. Ова е најтешкото гостување, но сепак тимот на Пикси нема лесно да се предаде, иако недостасуваат некои важни играчи.
Очекувања
Квалитетот и формата се на страната на домаќинот па очекуваме рутински да ги освои трите бода, иако гостите нема лесно да се предадат.
Be the first to comment