Денес на програмата е второто коло од Лигата на шампиони, а дербито се игра во Лондон, каде Арсенал го пречекува ПСЖ.
За Арсенал приоритет е Премиер лигата
Арсенал ова лето значително го засили тимот и секако сезоната ја започна со највисоки амбиции. Сон за сите во клубот секако е титулата во Премиер лигата, но и во Лигата на шампиони имаат високи амбиции. Удар за Артета секако ќе биде повредата на Одегард, но „топџиите“ имаат широк ростер и тоа го покажаа со одличниот старт во лигата. Во првиот меч против Аталанта одиграа реми, иако беа фаворити. Сега играат против многу посилен противник, но домашниот терен секако ќе биде голема предност. Артета не сака нов кикс и неговиот тим сигурно ќе даде се од себе за прва победа оваа сезона во Лигата на шампиони.
Колку може ПСЖ во Лигата на шампиони?
Лигата на шампиони од секогаш била најголема желба на Пари Сент Жермен, но изминатите сезони немаше среќа во ова натпреварување. Луис Енрике за две сезони полека се ослободи од сите големи ѕвезди и суети во соблекувалната, а ова лето остана и без Килијан Мбапе. Сепак, мора да се признае дека Шпанецот изгради балансиран тим кој е многу квалитетен, но сепак се чини дека не е меѓу фаворитите оваа сезона. Добро ја отворија оваа сезона во ЛШ со победа на домашен терен, но ова првиот вистински тест за „светците“. Не се фаворити, но имаат фудбалери со кој можат да го решат мечот во секој момент. Впечатокот е дека ПСЖ и со реми ќе биде задоволен на ова гостување.
Очекување
Дуел на два квалитетни тима кои играат отворен фудбал, па очекуваме возбудлив и ефикасен меч со голови на двете страни.
Be the first to comment