На ред ни стигна 174-то вечно дерби каде што екипата на Партизан во рамките на 9-то коло од српската Супер лига ќе го дочека тимот на Црвена Звезда. Натпреварот е закажан за во 19:00 часот.
Партизан знае да игра дерби на домашен терен
Сезоната за Партизан не е кој знае колку добра. Тие се елиминирани од сите европски натпреварувања и тоа е голем удар за клубот. Во домашното првенство работите не се ништо подобри и тие претрпеа неочекуван пораз од ОФК Белград. Ова 174-то дерби доаѓа во многу тежок момент, но лошите резултати пред дерби не секогаш значат и пораз. За време на првиот мандат на Стaнојевиќ, тој победи на сите четири дерби натпревари без примен гол. Сепак, откако се врати во 2020, Партизан нема победа во пет дербија и постигна само два гола. И покрај слабиот учинок во последниот период, со Стaнојевиќ на чело, Партизан не загубил дома од вечниот ривал повеќе од осум години. Последен пораз во Хумска претрпел на 26 февруари 2016, кога Звезда победи со 2:1.
Звезда во моментов е поквалитетен тим
Поразот од Бенфика на стартот на ЛШ го расипа расположението за овој тим, а искрено и му ја отежна задачата на Владан Милојвиќ за овој дерби натпревар. Повреда има Огњен Миновиќ, па сега тука мора да се направат некои измени во одбраната. Звезда настапува во ЛШ, а во домашното првенство има осум бода предност што не е податок кој треба да се занемари. Милојевиќ има девет дерби натпревари зад себе со биланс од три победи, пет нерешени и еден пораз. Интересно е дека единствениот пораз на Милојевиќ во Хумска е од Саво Милошевиќ, додека вториот е од ист тренер, но во финалето на Купот на стадионот „Рајко Митиќ“. И покрај сите успеси, на Милојевиќ му недостасува победа на гостувањето кај вечниот ривал и веруваме дека денес ќе биде тоа.
Очекување
Мотивот е огромен кога се сретнуваат овие две екипи, а искрено очекуваме и натпревар полн со притисок кој ќе заврши во корист на гостите.
Be the first to comment