Денес започнува новата сезона во Лигата на шампиони во нов формат, а дербито се игра на Сан Сиро помеѓу Милан и Ливерпул.
Милан не почна најдобро
Милан минатата сезона заврши во групната фаза во Лигата на шампионите, но беше во исклучително тешка група и само гол разликата со ПСЖ го делеше од елиминациите. Ова лето пристигна нов тренер, Паоло Фонсека и беа донесени големи засилувања, па амбициите на тимот сигурно се многу поголеми. Замина само Жиру, а пристигнаа Мората, Павловиќ, Емерсон Ројал. Абрахам и Фофана, па во клубот не кријат дека главна цел оваа сезона ќе биде Скудетото. Меѓутоа не ја отворија баш најдоро сезоната и во првите три меча немаа победа, а минатото коло ја торпедира Венеција. Лигата на шампиони е секогаш специјален турнир за „росонерите“ каде што играат добро и кога не се во форма. Особено во дерби натпреварите го покажуваат најдоброто од себе, а домашниот терен сигурно ќе биде голема предност.
Ливерпул со високи амбиции сезонава
Ливерпул ја започна новата ера без Јирген Клоп на клупата, но очекувањата останаа исти, а тоа е битка за сите титули. Новиот тренер го задржа костурот на тимот и донесе само едно засилување, Федерико Киеза и тоа во последниот ден од трансфер пазарот. Меѓутоа, важно за „црвените“ е што добро ја отворија сезоната со три победи и покажаа дека и оваа сезона ќе бидат кандидати за титулата. Минатото коло доживеаа незгоден пораз од Нотингем Форест и тоа сигурно ќе биде големо предупредување за „црвените“. Лигата на шампиони ја започнуваат со тешко гостување, а целта во елитното натпреварување е да се стигне до завршната фаза. Со победа на овој меч ќе покажат дека дуелот со Нитингем бил само лош ден и дека Ливерпул е спремен за големи дострели оваа сезона.
Очекувања
Милан и Ливерпул секогаш играат возбудливи натпревари богати со голови, па очекуваме традицијата да продолжи и овој пат да видиме голови на двете страни.
Be the first to comment