Денес продолжуваат натпреварите од Лигата на нации, а во фокусот секако ќе биде дерибото помеѓу Холанија и Германија.
Холандија не изгледа стабилно
Пред неколку дека Холандија ја дочека репрезентацијата на БиХ како голем фаворит и ја оправда таа улога, но покажа многу слабости во играта и прими два гола. Селекторот Роналд Куман направи неколку измени во стартниот состав во однос на полуфиналниот меч на ЕП со Англија, а најмногу се почувствува онаа што ја направи во дефанзивната линија. Тогаш партнер на Вирџил ван Дијк беше Стефан де Врај, но на претходниот меч стоперот на Интер беше заменет со Матијс де Лихт, но не функционираше најдобро. За среќа на Куман, „лалињата“ имаат доволно офанзивен потенцијал да ги надополни сите грешки на одбраната. Меѓутоа сега им доаѓа многу посилен противник, кој има исклучително силен напад, па работата за одбраната ќе биде многу потешка. Ова е сериозен тест за „лалињата“ и натпревар кој ќе го покаже нивниот вистински потенцијал.
Германија изгледа моќно
Германската репрезентација одлично ги почна натпреварите во Лигата на нации со висока победа од 5:0 над Унгарија. Оваа Германија има нови лидери и дефинитивно е предводена од младите Мусијала и Виртц, кои донесоа нова енергија и квалитет. Тимот функционира одлично и впечатокот е дека „панцирите“ градат нова ѕвездена генерација. Можеби Унгарците не се идеален параметар за мерење на силите, но избраниците на Јулијан Нагелсман го одиграа веројатно најдобриот натпревар од октомври минатата година кога младиот стручњак го презеде кормилото. Мануел Ноер, Тони Крос, Томас Милер и Илкај Гундоган ја напуштија репрезентацијата откако беа елиминирани во четврт финалето на Европското првенство на кое беа домаќини. Легендите ги нема, но иднината изгледа доста охрабрувачка.
Очекување
Дуел на два тима кои играат отворен фудбал и сакаат да се надигруваат,па тоа е предуслов за ефикасен дуел и голови на двете страни.
Be the first to comment