![Tip na denot final1 Тип на денот](https://kladenje.mk/wp-content/uploads/2022/04/Tip-na-denot-final1-678x381.jpg.pagespeed.ce.q-QsTxpUxZ.jpg)
Денес има голема понуда за обложување, а секако во фокусот ќе биде финалето од ФА Купот помеѓу градските ривали, Манчестер Сити и Манчестер Јунајтед.
Сити ја одбрани титулата и ова ќе биде за нив шанса за нова двојна круна, додека Јунајтед имаше уште една лоша сезона под сите очекувања и ќе се обидат да го поправат впечатокот со трофеј.
Сити ретко губи важни натпревари
Оваа сезона не почна најдобро за „граѓаните“, кои имаа неколку лоши резултати на стартот. Најголема причина за тоа беа повредните на важните фудбалери. Де Брујне го пропушти првиот дел од сезоната, исто како и Халанд кој долго време беше надвор од терените. Меѓутоа, Сити покажа дека има широк состав, па и без двајцата најдобри фудбалери се задржа на врвот. Тимот на Гвардиола после елимиацијата во ЛШ целосно се насочи кон Премиер лигата каде успеа да направи серија од победи и на крајот славеше со два бода пред Арсенал и со тоа четврти пат по ред ја освои шампионската титула. Гвардиола напомена дека неговиот тим никогаш не се заситува од трофеи и дека сака да ја освои двојна круна, па влегува како фаворит на овој меч.Тимот на Гвардиола игра најдобро кога е најпотребно и ретко грешки во клучни натпревари, а сега градскиот ривал е само мотив повеќе.
Јунајтед сака да ја спаси очајната сезона
Манчестер Јунајтед сезоната ја започна со големи очекувања бидејќи и минатото лето пристигнаа скапи засилувања на „Олд Трафорд“. Меѓутоа, „црвените ѓаволи“ одиграа уште една очајна сезона, под сите очекувања па сите во клубот се разочарани. Јунајтед заврши на 8-то место на табелата и следната сезона нема да игра во европските натпреварувња, па ова е единствен начин да ја спаси сезоната. Покрај освојување на важен трофеј ќе избори и пласман во Лига Европа, па овај натпревар за нив е повеќе од финале. Во секој случај тоа нема да биде доволно за тренерот Тен Хаг да си го спаси местото, па ова лето се очекува тренерска смена и нови промени на „Олд Трафорд“. Јунајтед не можеше да има потежок противник во финалето од градскиот ривал, кој во последно време лесно и убедливо ги победува комшиите. Тоа како да ги фрустрира „црвените ѓаволи“ кои ќе направат се за да се одмаздат за поразите со победа во финалето.
Очекување
Сити е фаворит на овој меч иако се игра на неутрален терен, но Јунајтед нема лесно да се предаде и ќе се бори до крај, па очекуваме неизвесен меч со голови на двете страни.
Be the first to comment