Официјално овој викенд започнуваат Англичаните, Шпанците како и Французите, а од наредниот викенд веќе ќе имаме комплетна понуда. За денес издвоивме натпревар од Премиер лига каде што ќе се сретнат Арсенал и Нотингем Форест, па накратко ќе ви го анализираме и ќе ви го претставиме во форма на тип на денот.
Одличен старт за Топџиите?
Во разлика од четири дена, Арсенал освои вкупно два трофеи, а интересно е тоа што и двата ги освои преку пенал рулетот. Најпрво со Монако играа за Емирејтс Купот, а потоа го изиграа и првиот официјален натпревар за оваа сезона, каде што во рамките на Комјунити Шилд купот се сретнаа со Манчестер Сити, па исто така го кренаа и првиот трофеј. Минатата сезона им беше турболентна и имаа големи шанси за титула во Премиер лига, но направија неколку неочекувани киксови, па трофејот од домашното првенство замина во рацете на Граѓаните. Што се однесува до трансферите, Арсенал доведе квалитетни играчи како Хаверц, Рајс итн, а од првотимците го испуштија само Гранит Џака кој се пресели во редовите на Баер Леверкузен.
Целта и оваа година е опстанок
Во минатата сезона, екипата на Нотингем Форест ја исполни својата примарна цел, а тоа беше да обезбедат опстанок во Премиер лигата. Еден период беа во многу тешка ситуација, но сепак на крајот запишаа три победи, две реми и еден пораз, па тоа им го реши прашањето за и следната сезона да бидат дел од елитата. Дефинитивно лесно можеше да се заклучи од минатата сезона дека им беше потребно време за да се „склопат“ и да заличат на вистински тим. Во редовите на Нотингем Форест ќе го гледаме Еланг кој дојде од Манчестер Јунајтед, а исто така и Крис Вуд кој пристигна од Њукасл. За време на паузата изиграа неколку контролни натпревари и искрено не запишаа некои импресивни резултати.
Очекување
Арсенал на овој натпревар се издвојува и во поглед на квалитетот, а и во формата, па победата за нив не треба да се доведе во прашање. Очекуваме Арсенал да доминира и да ги земе трите бода без поголеми проблеми.
Be the first to comment