Денес нема голема понуда за обложување, а во фокусот секако ќе биде плеј-офот во Серија Б помеѓу Каљари и Бари.
Двата славни италијански клуба во финалето од плеј-офот ќе се борат за враќање во елитата. Каљари сака експресно да се врати во после само една година, додека Бари долго време чека за да игра во Серија А.
Каљари сака експресно да се врати во елитата
Каљари минатата сезона на големо изненадување испадна во Серија Б и според квалитетот на тимот оваа сезона беше еден од фаворитите во втората лига. Но, клубот од Сардинија не успеа да се пласира директно во Сеерија А, па мораше да игра плеј-оф. Во минатото коло успеа да ја елиминира Парма, па сега е фаворит против Бари. Првиот натпревар го игра на домаше терен, а Каљари важи за тим кој игра одлично дома, па сигурно ќе сака со предност да патува на жешкото гостување во Бари. Сигурно нема да тргне безглаво да напаѓа од самиот старт со оглед на фактот дека има реванш, а Каљари има искусен тим кој знае да игра тактички. Меѓутоа, како што одминува времето тимот од Сардинија сигурно ќе сака да запише победа.
Бари после многу години е на чекор од Серија А
Славниот клуб од југот на Италија изминатите години долживеа голема „голгота“ и долго се мачеше да дојде до ваква ситуација. После банкротот кој го доживеа беше вратен во најдолен ранг и долги години му беа потребни да дојде во ситуација да се бори за пласман во Серија А. Оваа сезона беше турбулентна, но сепак успеа да заврши на местата кои водат во плеј-оф, а минатото коло успеа да го елиминира Судтирол. Сега ја има последната, но истовремено и најтешка пречка, бидејќи Каљари според квалитетот е фаворит во овој дуел. Сепак, Бари не сака да ја испушти оваа шанса, бидејќи прашање е дали следната сезона повторно ќе биде во ваква позиција. На гостувањето ќе игра претпазливо и сака со позитивен резултат да се врати дома, па на својот стадион „Свети Никола“, пред верните навивачи да се бори за пласман во Серија А.
Очекување
Со оглед на фактот дека има и реванш очекуваме претпазлива игра од двата клуба и тактичко надмудрување, што е карактеристика за италијанските клубови. Сепак, предноста е на страната на Каљари, пред се поради домашниот терен.
Be the first to comment