Денес се игра последното коло од Серија А, а ние за вас ќе го анализираме дуелот на Сан Сиро помеѓу Милан и Верона.
За Милан овој меч нема резултатско значење, но ќе сака со победа да се прости од своите навивачи. Од друга страна Верона се бори за опстанок и неопходни и се бодови.
Милан имаше сезона со многу турбуленции
Милан имаше сезона со многу турбуленции, но не може да биде во целост задоволен од резултатите. „Росонерите“ завршија во Топ 4 и следната година ќе играат во Лигата на шампиони, но не освоија ниту еден трофеј. Како актуелни шампиони многу рано испаднаа од трката за Скудетото и од Купот, додека во Лигата на шампиони ги надминаа очекувањата и дојдоа на чекор од финалето, но беа елимонирани од градскиот ривал. Во секој случај главната цел е исполнета и Милан следаната сезона повторно ќе игра во ЛШ, но сигурно ќе има мала реконструкција на тимот и ќе пристигнат нови засилувања. Овој меч нема резултатско значење, но стадионот ќе биде преполн и Милан ќе се простува со Златан Ибрахимовиќ и има спремено мала церемонија. Поради тоа сигурно ќе сакаат „росонерите“ со позитивен резултат да ја завршат сезоната и да се простат од навивачите.
Верона мора да освои бодови
Верона катастрофално ја отвори сезоната и после првите неколку кола беше на последното место на табелата, па дојде до тренерска смена. Иако на половина од сезоната изгледаше дека Верона тешко ќе може да се избори за опстанок, сепак следуваше период на добри резултати и дојде во ситуација да има реални шанси за опстанок. Минатото коло испушти победа против Емполи во 95-та минута и тоа може скапо да ги чини. Сега се во тешка ситуација бидејќи се наоѓаат на 18-то месо на табелата со испт број бодови како Специја. Меѓутоа Верона мора да освои бодови на Сан Сиро, притоа да се надева на пораз на Специја против Рома. Ова е дефинитивно клучен меч за нив и ќе дадат се од себе, но имаат силен противник.
Очекување
Милан нема резултатски императив, но Верона се бори за „гол живот“, па поради тоа овој меч е непредвидлив. Нивните натпревари често изобилуваат со голови, па веруваме дека така ќе биде и овој пат.
Be the first to comment