Денес нема голема понуда за обложување, а најинтересен е секако заостанатиот дуел од 8-то коло во Премиер лигата помеѓу Манчестер Јунајтед и Лидс.
Манчестер Јунајтед е во одлична форма и со победа на овој меч ќе го стигне градскиот ривал, додека Лидс е во серија на лоши резултати и го отпушти тренерот, па бодовите за двата тима се од исклучителна важност.
Може ли Јунајтед да се замеша во трката за титулата?
Манчестер Јунајтед е во исклучително добра форма и на последните десет меча во сите натпреварувања има осум победи и само еден пораз. Моментално се наоѓа на третото место на табелата и со победа на овој меч ќе се израмни со градскиот ривал на второто место на табелата. На „Олд Трафорд“ срамежливо се шушка дека „црвените ѓаволи“ можат да се замешаат во трката за титулата, па сигурно ќе се обидат. Со победа на овој меч Јунајтед ќе дојде на само пет бода од лидерот, но ќе има два меча повеќе. За овој меч Тен Хаг нема да може да смета на Каземиро поради црвен картон и на Антони поради повреда, но ќе може да дебитира новото засилување Сабицер, кој пристигна од Баерн во јануари. Јунајтед ќе направи се за да дојде до трите бода и оправдано е фаворит бидејќи е во одлична форма и игра одлично на домашен терен оваа сезона.
Лидс бара тренер да го спаси
Лидс е непријатно изненадување оваа сезона, па после големите инвестиции пред сезоната никој не очекуваше дека ќе биде во ваква позиција. Тимот е во серија на лоши резултати, нема победа од ноевмри и моментално се наоѓа на 18-то место со ист број бодови како Евертон. Раководството одлучи да му врачи отказ на тренерот Џеси Марш, но се уште е во потрага по нов тренер. Тоа значи дека на овој меч Лидс ќе биде предводен од привремен тренер, а го имаат едно од најтешките гостувања во лигата. Меѓутоа, Лидс нема што да загуби на овој меч, па тимовите кои играат без таков притисок секогаш се најопасни. Меѓутоа, тешко дека ќе дојде до бодови на овој меч, бидејќи играат многу лошо и освоија само три бода на последните пет меча. Голем проблем е одбраната, која прима многу голови, а нападот е еден од најслабите во лигата.
Очекување
Квалитетот и домашниот терен се на страната на Манчестер Јунајтед, кој е во исклучителна форма и се друго освен победа на овој меч ќе биде големо изненадување. Ние очекуваме возбудлив натпревар со многу голови.
Be the first to comment