Денес има богата понуда за обложување, а ние се одлучивме за вас да го анализираме дуелот од италијанскиот Куп помеѓу Милан и Торино.
Милан како и секоја година во Купот се приклучува од осминафиналето и оваа година има за цел да стигне до финалето, па сигурно ќе сака да го елиминира Торино, кој исто така ќе има свои мотиви.
Милан со големи амбиции во Купот
Миланскиот гигант минатата сезона после цели 11 години го освои Скудетото, а оваа сезона покрај шампионската титула сигурно ќе сака да го освои Купот. Милан влегува со големи амбиции во ова натпреварување, а овој меч доаѓа после испуштената победа против Рома, па „росонерите“ сигурно ќе сакаат што побрзо да им се вратат на победите. Притоа, мотив плус сигурно ќе биде фактот што Милан загуби од Торино во Серија А, па сега имаат шанса за одмазда. Најавите се дека Сан Сиро ќе биде преполн и на овој меч, па тоа сигурно ќе биде голема предност за „росонерите“, покрај фактот што и квалитетот е на нивна страна. Тренерот Пиоли има големи проблеми со повредени играчи и за овој дуел нема да може да смета на осум фудбалери, а добрата вест е што се враќаат Кјаер и Месијас. Се очекува на овој дуел да му даде одмор на некои стандардни фудбалери како Жиру, а шанса да добијат некои играчи кои во Серија А добиваат помала минутажа како Де Кетеларе и Побега.
Торино нема што да загуби
Торино се наоѓа на 10-то место на табелата и пред мундијалската пауза играше одлично, но впечатокот е дека паузата дојде во лошо време за „биковите“. Во новата година Торино запиша две ремија и тоа против Верона и Салернитана каде беше голем фаворит, па никој во клубот не е задоволен. Сега на програмата им доаѓа дуел од кој Торино нема што да изгуби и сигурно ќе се обиде да го елиминира големиот фаворит. Торино е еден од двата тима кои му нанесоа пораз на шампионот оваа сезона, па сигурно со голема самодоверба доаѓа на Сан Сиро, иако знаат дека ќе биде исклучително тешко да дојдат до уште една победа. Меѓутоа, Јуриќ е тренер кој е познат дека знае да игра на резултат, а ова е осминафинале и може да се играат продолженија или пенали за пласман понатаму, па тоа сигурно може да биде важно оружје за „биковите“. Торино ќе се обиде да не прими гол и ќе се заканува преку контранапади.
Очекување
Милан е голем фаворит во овој дуел, квалитетот и домашниот терен се на негова страна, па веруваме дека нема да има проблеми да дојде до победа.
Be the first to comment