Ленс ќе се обиде да ја продолжи својата серија без пораз во Лига 1 од 12 натпревари. Овој пат се домаќини на Ним кој мака мачи сезонава за да обезбеди опстанок во елитата на Франција.
Можеби клучен меч за Ленс сезонава
Откако минатата сезона се промовираше во најдобрата лига на Франција, Ленс ужива во монументалниот подем во Лига 1.
Менаџерот Франк Хајсе спроведе ефикасен систем 3-4-1-2, кој неговиот тим го го применува до перфекција, особено на домашен терен каде не загубија во последните шест кола во Лига 1. Во Франција фудбалските експерти на шега изјавуваат дека Хајсе и Ленс докторирале за системот 3-4-1-2.
Пред сезоната предвидувањата беа борба за опстанок, но сега на само пет кола до крајот на сезоната Ленс е на петто место со 14 победи, 11 ремија и само осум порази. Имаат два бода помалку од Марсеј кој има натпревар повеќе и со победа над Ним, Ленс ќе биде петти. Со два бода пвеќе пак од Рен, овие три екипи ќе бијат битка за пласман во Лигата на Европа.
Доколку Ленс оствари победнички резултат овој викенд, тие би станале само третиот промовиран тим кој нема пораз на 13 последователни првенствени натпревари, по Ремс во 2018-19 и Сент Етјен во сезоната 2004-05.
Ова е доста важен меч за Ленс, кои имаат несомнено најтежок распоред од кој било тим од Лига 1, соочувајќи се со ПСЖ, Лил и Монако во три од последните четири натпревари.
Ним брка бодови за опстанок
Откако го совлада лидерот во лигата Лил со 1:2, сите поислија дека Ним ќе се спаси. Но веднаш дојде пораз од Сент Етиен со 0:2, па две ремија на последните два меча со Брест и Стразбур.
Ним би сакал да го избегне плејофот за испаѓање што може да ги спушти во Лига 2 за прв пат од сезоната 2017-18 година.
Спасот е на дофат за Планке и неговиот тим бидејќи тие се на само еден бод помалку од Лориен кој е на последното безбедно место на табелата во Лига 1. Нивниот проблем е одбрната која досега прими неверојатни 60 гола на 33 натпревари.
Планке е свесен за дефанзивните слабости на својот тим и најави дека на овој меч ќе тргне офанзивно од самиот старт.
Be the first to comment