Македонија е домаќин на аутсајдерот Лихтенштајн во второто коло од квалификациите за пласман на Светското Првенство во Катар. По поразот од Романија, ова е одлична можност за враќање на победите пред гостувањето во Германија за неколку дена.
И покрај поразот во Букурешт, Македонија мора да биде исправена
Македонија остана без бодови во Романија при поразот од 3:2, но не разочара. Напротив, фудбалерите на Ангеловски одиграа одличен меч, на високо ниво, а пресудна за победата на романците беше среќата. Натпреварот можеше многу лесно да заврши во друг правец, доколку Македонија имаше барем малку повеќе среќа. Имавме повеќе шанси од Романија која пак знаеше како да ги искористи своите шанси. Но факт е, доколку продолжиме на ист начин ќе можеме да освојувае бодови со Исланд и Ерменија и да се замешаме во трката по второто место на табелата. Но за тоа, победа против Лихтенштајн е императив.Ова е најлесниот противник во групата и е најдобрата и најлесна можност за брзо да го заборавиме поразот во Букурешт и да се вратиме на победите. Се освен победа и тоа лесна и убедлива ќе биде големо изненадување.
Како по обичај славиме против Лихтенштајн
Македонија како да е предодредена да игра против Лихтеншајн во изинатите 20 години. Вкупно имаме одиграно девет натпревари и имаме одлични резултати – осум победи и едно реми од 2002 година. Впроче, против Лихтенштајн ја имаме и највисоката победа во историјата, кога во 1996 година славевевме на гости со 1:11. Најтазе се оние два меча од првото издание во Лигата на Нации кога во 2018 славевме со 4:1, односно 0:2. Тогаш ја имавме речиси истата репрезентација како и сега и славевме без проблеми, а сега двата натпревари би требало да бидат уште полесни ако се земе во предвид напредокот во изминатите две години.
Ќе има ротации во составо
Ангеловски повторно нема са смета на Адеми и Велковски. Адеми влезе против Романија и го сврте мечот, но тој повторно не е спремен за 90 минути и ќе одмара на овој меч, за да биде спремен за дуелот во Германија. Би требало на овој меч да има промени во тимот, се со цел да се зачува смежината. Пандев би требало да стартува од клупата, а веројатно ќе има промени и во средината каде шанса се очекува да добие Спиркоски. Сепак, со каков тим и да излезе Македонија тоа не би требало да ја намали нашата фаворитска улога.
Целата игра на Лихтенштај се врти околу Хаслер
За Лихтенштајн нема што премногу да се каже. Имаат неколку фудбалери кои играат во втората лига на Швајцарија, а целата игра им се врти околу играчот од средниот ред на Тун, Хаслер. На првиот меч загубија од Ерменија со 0:1, без да упатат ниту еден удар кон голот на противникот. Статистиката беѓе 0:26 во удари за Ерменија. Играа бункер, но немаа среќа да издржат до крајот окако си постигнаа автогол во 83-та минута. Ако освојат бод во овие квалификации против било кој противник, тоа за нив ќе биде голем успех.
Be the first to comment