И репрезентацијата на Грузија има големи проблеми пред вечерашниот натпревар со Македонија од 20:45 часот на Националната Арена. Селекторот на Грузија не може да смета и на Торнике Окриашвили што е веќе шести играч на кој Владимир Вајс не ќе може да смета.
Вчера вечер грузиските медиуми објавија дека Окриашвили се пожалил на повреда па селекторот Вајс не сакал да ризикува со него за повредата да не стане уште посериозна бидејќи за неполн месец Грузија ќе не пречека во финалето за пласман на Европското првенство.
Пред Окриашвили од составот на Грузија отпаднаа: Гиорги Чакветадзе, Гурам Кашиа и Отар Какабадзе, се повредени додека Јаба Канкава е супсендиран поради жолти картони, додека Гиорги Абуранџија во договор со неговиот клуб Овиедо е ослободен од овбрските за националниот тим.
Ќе потсетиме кај нас надвор од конкуренција за овој меч се Бејтулаи, Адеми и Тошевски поради повреди, Муслиу е суспендиран, додека Ферхан Хасан по барање на неговиот клуб се врати во Финска. На вчерашниот прес селекторот Игор Ангеловски изјави и дека Стефан Спировски најверојатно нема да игра откако не го издржал последниот тренинг.
Според најдобрата онлајн обложувалница Bet365 коефициентот за победа на Македонија во моментов изнесува 2.25, за реми 3.20, додека победата за Грузија се плаќа со квота 3.30.
Be the first to comment