Англија на Вембли е домаќин на Белгија во дербито на денот од Лигата на Нации. Ќе биде ова интересен меч кој не смеат да го пропуштат вистинските љубители на фудбалот. Двете селекции си имаат свои шанси, но според мене гостите се поблиску до победа.
Саудгејт повторно со офанзивна формација и тројца бекови
Англија се соочува со она што треба да биде нивниот најтежок тест од Светското првенство 2018 година. Им доаѓа највисоко рангираната светска репрезентација Белгија на Вембли.
Натпреварот веројатно нема да биде ослучувачки за пласманот во групата од Лигата на Нации, но ќе може да го одреди патот и на двете селекции. Сепак, ова многу повеќе важи за Белгија која ќе има шанса за поправен, а Англија доколку не слави победа ќе треба да се надева на позитивни резултати на останатите натпревари.
Избраниците на Герет Саутгејт не можат да си дозволат пораз, откако одиграа само 1:1 против Данска минатото коло. Пред неколку дена имаа генерална проба за овој меч и славеа со убедливи 3:0 против соседот Велс.
За овој меч, Саутгејт ќе го смени буквално целиот свој почетен состав од тој натпревар – Џо Гомез е можеби единствениот кој ќе си го задржи местото – а секако во тимот се враќаат Хари Кејн, Маркус Рашфорд и Хари Мегваер.
Централните играчи од средниот ред изгледаа премногу одвоени од нападот во голем дел од досегашните три натпревари изминатиот месец, а голем проблем е што крилните бекови не напредуваат доволно. О таква е оваа формација 3-4-3 која Саудгејт ја форсира.
Сепак, тој е упорен да ја задржи оваа формација, велејќи дека неговиот тим нуди „длабочина на сите позиции“, нешто што тој не може да го каже за формацијата 4-3-3.
Која е предноста на Белгија, а која на Англија!?
Рајс и Хендерсон кој одигра само 111 минути од почетокот на јули тешко дека ќе можат против средината на Белгија, каде се Кевин де Брујн и Аксел Витсел.
Токму средината предизвикува загриженост за Англија, како и левата страна на нивната одбрана каде што Киран Трипие повторно изгледа дека ќе игра надвор од својата природна позиција.
Крилниот бек на Белгија, Томас Муниер најверојатно ќе биде офанзивен на таа страна, додека не би било големо изненадување за Ромелу Лукаку да биде поставен пошироко од шеснаесетикот во обид да ја искористи потенцијалната слабост на противникот.
Роберто Мартинез не се плашеше да го постави својот напаѓач на тој начин во минатото – тактиката направи чуда во четвртфиналето на Светското првенство против Бразил.
Другиот крај на теренот носи повеќе позитивни мисли кога станува збор за Англија. Ќе им недостасува повредениот Рахим Стерлинг , но тука се Рашфорд и Санчо кои се многу побрзи од дефанзината линија на Белгија и тоа треба да биде шансата на Англија ( топки во празно и претрчување на последната линија на Белгија ).
Be the first to comment