Кинеската Дота 2 професионална асоцијација објави дека тие го суспендирале кинескиот еСпорт тим Newbeе на неопределено време од кинеската професионална лига, како и сите IMBATV и MarsTV настани поради местење на натпревари.
Играчите на Newbee, Lai “Fonte” Xingyu, Yin “Aq” Rui, Wen “Wizard” Lipeng, Yan “Waixi” Chao, Zeng “Faith” Hongda, и Xu “Moogy” Han добија доживотни забрани за натпреварување на турнири оргнаизирани од кинеската професионална лига и ImbaTV.
Кинеската професионална лига, исто така, случајот го пријави до креаторот на Дота 2, односно Valve Corporation за да се преземат мерки против екипата на Newbee.
Инцидентот е од светски размери поради тоа што кинескиот тим Newbee е светски шампион, односно освојувач на The International во 2014 година, како и финалист на турнирот три години подоцна и беше еден од најсилните тимови во светот на Дота 2.
Be the first to comment