Денес има солидна понуда за обложување, а во фокусот секако ќе биде дуелот од Лигата на шампиони помеѓу Атлетико Мадрид и Барселона.
Атлетико брани солидна предност
Атлетико Мадрид нема да биде конкурентен ниту оваа сезона во борбата за титулата шпански шампион, со напомена дека последен пат овој клуб стигна до трофејот во шпанското првенство во 2021 година. Затоа до крајот на сезоната примарна цел ќе биде трофејот во Кралскиот куп, а како што стојат работите сега ќе сака да стигне што подалеку и во ЛШ. Во првиот дуел јорганџиите победија со 2:0 на Камп Ноу на стадионот каде што немаа победа долги години. Тоа беше еден од најдобрите натпревари на Атлетико оваа сезона. Сепак, Симеоне и дружината знаат дека не смеат никогаш да се опуштат против Барселона и ништо не е готово. Сепак домашниот терен ќе биде голема предност и ќе се обидат да се пласираат во полуфиналето.
Барселона не се предава
Фудбалерите на Барселона играат многу добро оваа сезона, во која овој тим веќе освои еден трофеј, во шпанскиот Суперкуп. Како што стојат работите сега, речиси е сигурно дека тоа нема да биде единствениот трофеј за Каталонците оваа сезона, бидејќи овој тим моментално е на првото место на табелата со дури девет бода повеќе од второпласираниот Реал Мадрид. Јасно е дека главна цел е пласман во завршницата од ЛШ, но работите не се одбиваа најдобро во првиот меч. Барселона рано остана со играч помалку и работите се отежнаа, но треба да се напомене дека Каталонците и така создадоа многу шанси. Сигурно нема да се предадат, знаат како се победива во Мадрид, но нема да биде лесно да се надомести разликата од два гола.
Очекување
Барселона нема што да калкулира и од самиот старт ќе тргне во напад, а тоа е предуслов за возбудлив меч со многу голови.
Be the first to comment