Денес има голема понуда за обложување, а во центарот на вниманието секако ќе биде дербито од Серија А помеѓу Јувентус и Интер.
Јувентус стартуваше одлично
Во Јувентус ова лето не се случија големи промени, но пристигнаа големи засилувања и амбициите на тимот се многу поголеми. Клубот реши да го задржи тренерот Тудор, кој минатата сезона дојде како замена, но успеа да ја обезбеди примарната цел, а тоа е пласман во Лигата на шампиони. Јувентус ова лето се ослободи од некои непотребни фудбалери и доведе неколку големи засилувања, пред се Џонатан Давид и Опенда во нападот. Одлично ја отвори сезоната со две победи во првите две кола и покажа дека оваа сезона ќе се бори за Скудетото. Меѓутоа, треба да се напомене дека во првите две кола имаше противници по мерка, па ова е прв сериозен тест за нив. На гости им доаѓа најголемиот ривал и ова дерби секогаш вреди повеќе од три бода, па ќе направат се за да победат.
Интер изненади на стартот
Во тимот на Интер се направија значителни промени ова лето, не толку во однос на играчкиот кадар колку на клупата. Замина Симоне Инзаги, а на негово место пристигна неискусниот Киву, па многумина се скептици со тој избор. Интер го задржи костурот и донесе неколку нови засилувања, што го прави повторно фаворит за титулата. Сепак. треба да се види колку време ќе му биде потребно на новиот тренер и дали има капацитет да се носи со таа улога. Минатото коло „нераѕурите“ беа шокирани на домашен терен од Удинезе, па се виде дека имаат проблем во одбраната. Клубот реагирапе експресно и пристигна Аканжи, што сигурно ќе биде големо засилување. Поради тоа Интер не смее да си дозволи кикс против директниот конкурент бидејќи ќе заостанува многу уште на стартот.
Очекување
Овие дерби натпревари се секогаш непредвидливи и нема фаворити, но по традиција се богати со голови, па веруваме дека така ќе биде и овој пат.
Be the first to comment