Денес има солидна понуда за обложување, а ние за вас ќе го анализираме дуелот од хрватската лига помеѓу Вараждин и Хајдук.
Вараждин без резултатски императив
Јасно е дека на крајот од хрватската лига ќе имаме голема борба за титулата, но и за опстанок. Еден од ретките тимови кои немаат грижи до крајот на оваа сезона е Вараждин. Моментално се на 5. место и се на 12 бода од местото кое води во Европа, но и од местото кое води во втората лига. Натпреварите на Вараждин се карактеристични по малиот број голови, просто е неверојатна гол-разликата што ја има овој тим. На 29 одиграни натпревари постигнаа 21, а примија само 19 гола. Во вториот дел од сезоната одиграа 11 натпревари во првенството и на ниту еден не постигна повеќе од два гола. Интересно е што на последните пет натпревари дадоа вкупно еден гол, а примија само два гола. Тие се во благ пад во формата и се без победа во последните пет натпревари, со четири нерешени и пораз минатиот викенд на гостувањето кај Риека.
Хајдук нема право на кикс
Сплитчани едвај спасија бод во последното коло на својот Пољуд против Локомотив Загреб. Загубата од два бода на тој меч ги чинеше првата позиција каде сега се наоѓа Риека која минимално славеше против Вараждин. Хајдук се мачи и кога победува, пред Локомотив врзаа две победи, против Шибеник дома и Славен, но двата пати победи со минимален резултат. Отсуството на титулата сезонава може да предизвика тектонски потреси во клубот од Сплит, се е подредено на таа цел, тимот е засилен, Гатузо е доведен за тренер, но се чини дека Хајдук во последно време ја губи фаворитската улога. Покрај Риека, во трка се врати и Динамо, па Хајдук едноставно нема право на кикс на ова гостување, кое по традиција е едно од најтешките. Гатузо и дружината од самиот старт на сезоната важат за фаворити, но во последно време го загубија чекорот.
Очекување
Гостите се фаворити и немаат право на кикс, но домаќините играат цврсто и нема лесно да се предадат, па очекуваме неизвесен дуел со малку голови.
Be the first to comment