Денес во фокусот ќе бидат натпреварите од Лигата на шампиони, а ние ќе го анализираме мечот помеѓу Аталанта и Клуб Бриж.
Аталанта нема право на кикс
Со освојувањето на Лигата на Европа, „Божицата“ оваа сезона автоматски се пласираше во Лигата на шампионите. По лигашката фаза се најдоа на 9. место и само еден бод ги делеше од директен пласман во осминафиналето. На избраниците на Гасперини им беше потребна победа во Барселона во последното коло, но успеаја да освојат само еден бод. Во Серија А, Аталанта моментално е на третото место па ќе се обидат да стигнат најмалку до осминафиналето во елитното натпреварување. Во првиот дуел Аталанта несреќно загуби со 2:1 и тоа со контроверзен пенал буквално во последните минути. Тоа треба да биде мотив повеќе, разликата од еден гол не е голема, а предниост секако ќе биде домаашниот терен. Аталанта е фаворит и нема право на кикс.
Бриж со предност доаѓа во Бергамо
Минатата сезона, Клуб Бриж ја освои шампионската титула во Белгија и им беше загарантирано место во елитното натпреварување. Одиграа 8 натпревари, во кои остварија три победи, две нерешени и три порази. Тие на крајот беа малку миленик на среќата бидејќи го зазедоа 24. место, последното место кое води во плеј-офот, а до таму стигнаа само благодарение на подобрата гол-разлика во однос на Динамо Загреб. За нив и ова е голем успех, но секако нема да се предадат лесно и ќе се обидат да се пласираат во осминафиналето. Тоа најдобро се виде во првиот меч каде Бриж не само што беше достоен противник, туку и стигна до победа. Иако со контроверзен пенал, сепак со предност патуваат во Бергамо и ќе се обидат да ја зачуваат. Сепак, Бриж игра многу лошо на гостувањата оваа сезона па тешко дека ќе успее да остане непоразен на овој меч.
Очекување
Квалитетот и домашниот терен се на страната на Аталанта и веруваме дека ќе успее да победи и да се пласира во осминафиналето.
Be the first to comment