Денес има голема понуда за обложување, а ние ќе го анализираме дуелот од Ла Лига помеѓу Барселона и Валенсија.
Барселона нема право на кикс
Барселона во последно време има огромни проблеми во шпанското првенство, а како што сега стојат работите, шпанскиот гигант е се подалеку од борбата за шампионската титула во Шпанија, која беше окарактеризирана како примарна цел пред почетокот на сезоната. Имено, Каталонците пред ова коло беа на третото место на табелата со седум бода помалку од првопласираниот Реал Мадрид, но и шест бодови зад второпласираниот Атлетико Мадрид. Она што воопшто не е добро е што Барса нема победа на последните четири натпревари во Ла Лига, а во тој период избраниците на тренерот Флик забележаа два порази и исто толку нерешени. Во последното коло Каталонците само ремизираа на гостувањето кај Гетафе, додека претходно загуби на домашен терен од Атлетико Мадрид. Помеѓу сето тоа, Барселона одигра спектакуларно финале на шпанскиот Суперкуп и го демолираше Реал Мадрид со 5:2, па тимот од Ноу Камп веќе го освои првиот трофеј сезонава. Сега нема право на кикс на овај меч и се наоѓа пред императив победа.
Валенсија во лоша ситуација
Пред се, треба да се истакне дека ниту најголемите песимисти не можеа да очекуваат дека играчите на Валенсија ќе имаат толку многу проблеми во овогодинешното издание од елитниот ранг на шпанскиот фудбал, а како што сега стојат работите, ќе биде огромен успех доколку поранешниот шпански шампион на крајот успева да опстане во Ла Лига. Имено, во моментов Валенсија е на претпоследното место на табелата, со само бод зад Ваљадолид, кој го држи последното место, а она што не е добро е што популарните „лилјаци“ моментално заостануваат четири бода зад тимовите кои се во првите четири во безбедната зона. Можеби ова не би било толку голем проблем доколку Валенсија немаше исклучително тежок распоред во наредниот период. Што се однесува до гостувањата, овој тим досега одигра десет гостувања и се уште е без триумф, а во тој период четири пати ремизираше со шест порази, но и со само пет постигнати гола, што секако е премалку. Императив ќе биде обезбедување на опстанок, ќе се борат за секој бод, но тешко дека ќе го освојат на ова гостување.
Очекување
Квалитетот и формата се на страната на домаќинот и очекуваме лесна победа изразена со повеќе голови разлика.
Be the first to comment